ഗൃഹാതുരത്വം ഉണർത്തി കേരള എൻജിനീയേഴ്‌സ് ഫോറം റിയാദിൽ ഓണാഘോഷം സംഘടിപ്പിച്ചു. മത മൈത്രിയുടെയും സാഹോദര്യത്തിൻ്റെയും ഒത്തുചേരൽ ആയിരുന്നു “കെ ഇ ഫ് ഓണം-പൊന്നോണം 2022”.നിരവധി പ്രവാസി എൻജിനിയേഴ്‌സും അവരുടെ കുടുംബങ്ങളും ഈ ഒത്തു ചേരലിൻ്റെ ഭാഗമായി. വിവിധ ഗ്രൂപ്പുകൾ ആയി നടത്തിയ കലാ കായിക മത്സരങ്ങൾ ഓണാഘോഷത്തിന് മാറ്റ് കൂട്ടി. പൂക്കള മത്സരത്തോടെ തുടങ്ങിയ ഓണാഘോഷത്തിൽ ടീം മഞ്ഞപ്പട വിജയികൾ ആയി. ഇതിന് ശേഷം നടന്ന ഓരോ മത്സരങ്ങളും വീറും വാശിയേറിയതുമായിരുന്നു. ഓണാഘോഷത്തിന് വിരാമം കുറിച്ച് കൊണ്ട് നടന്ന വടം വലി മത്സരത്തിൽ പുരുഷ വിഭാഗത്തിൽ ടീം കരിക്കും വനിതാ വിഭാഗത്തിൽ ടീം ആരവവും വിജയികൾ ആയി.ഏറ്റവും കൂടുതൽ പോയിൻ്റുകൾ നേടി ടീം മഞ്ഞപ്പട ഓവറോൾ കിരീടം സ്വന്തമാക്കി.വിജയികൾക് POLYMELT PPR pipes പ്രധാന ഡീലറും ലുലു എഞ്ചിനീയറിംഗ് ആൻഡ് ട്രേഡിങ്ങ് കമ്പനിയുടെ സാരഥിയുമായ ശ്രീ. ഷിജിത്ത് പോനോൻ സമ്മാന ദാനം നിർവ്വഹിച്ചു.
Trending Now
