വടകര നിയമസഭ മണ്ഡലത്തില്‍ യുഡിഎഫ് പിന്തുണയോടെ മത്സരിക്കുന്ന ആര്‍ എം പി (ഐ) സ്ഥാനാര്‍ത്ഥി കെ. കെ. രമയുടെ തെരഞ്ഞെടുപ്പ് പ്രചാരണം വിളംബരം ചെയ്ത് ഒഞ്ചിയം പഞ്ചായത്ത് തെരഞ്ഞെടുപ്പ് കണ്‍വന്‍ഷനും റോഡ് ഷോയും നാദാപുരം റോഡില്‍ നടന്നു.
നൂറു കണക്കിന് പ്രവര്‍ത്തകര്‍ അണിനിരന്ന റോഡ്ഷോ പങ്കാളിത്തം കൊണ്ട് ശ്രദ്ധേയമായി. കെ. സി. ഉമേഷ് ബാബു കണ്‍വന്‍ഷന്‍ ഉദ്ഘാടനം ചെയ്തു. എന്‍ വേണു, അഷ്‌കര്‍ ഫാറൂഖ്, അഡ്വ: ഐ മൂസ്സ, കോട്ടയില്‍ രാധാകൃഷ്ണന്‍, സുനില്‍ മടപ്പള്ളി, ബാബു ഒഞ്ചിയം, ടി. കെ. സിബി, യു. അഷ്‌റഫ് മാസ്റ്റര്‍ എന്നിവര്‍ സംസാരിച്ചു. സി. കെ. വിശ്വനാഥന്‍ അധ്യക്ഷനായിരുന്നു.
