കൂരിയാട് റോഡ് ഇടിഞ്ഞു വീണു. വാഹനങ്ങള്‍ അടിയില്‍ കുടുങ്ങിയതായി റിപ്പോര്‍ട്ട്. സര്‍വീസ് റോഡാണ് പാതത്തേക്ക് ഇടിഞ്ഞത്. ഇതിന് പിന്നാലെ പുതിയ ആറ് വരിപാതയുടെ ഭാഗവും സര്‍വീസ് റോഡിലേക്ക് ഇടിഞ്ഞു. കോഴിക്കോട് നിന്നും തൃശൂര്‍ ഭാഗത്ത് വരുന്ന ഭാഗത്താണ് ഇടിഞ്ഞിട്ടുള്ളത്. സ്ഥലത്ത് ഗതാഗതം തടസ്സപ്പെട്ടു.
സര്‍വീസ് റോഡിലൂടെ യാത്ര ചെയ്തിരുന്ന കാറിന് മുകളിലേക്കാണ് ആറുവരിപ്പാതയുടെ സംരക്ഷണ ഭിത്തി ഇടിഞ്ഞുവീണത്. മൂന്ന് കാറുകളാണ് അപകടത്തില്‍ പെട്ടത്. സംഭവത്തില്‍ ഇതുവരെ ആളപായം റിപ്പോര്‍ട്ട് ചെയ്തിട്ടില്ല.കൊളപ്പുറം കക്കാട് വഴി കോഴിക്കോട് നിന്നും തൃശ്ശൂര്‍ ഭാഗത്തേക്കുള്ള ഗതാഗതം പൂര്‍ണമായും തടസ്സപ്പെട്ടു. വാഹനങ്ങള്‍ വികെ പടിയില്‍നിന്നും മമ്പുറം വഴി കക്കാട് വഴി പോകേണ്ടതാണെന്ന് അധികൃതര്‍ അറിയിച്ചു.
