കൂരോപ്പട പഞ്ചായത്തില്‍ അട്ടിമറി നീക്കം, എല്‍ഡിഎഫിന് ഭരണം നഷ്ടം, നറുക്കെടുപ്പിലൂടെ കോണ്‍ഗ്രസിൻ്റെ അമ്പിളി മാത്യൂ പ്രസിഡന്റ്.കോട്ടയത്തെ കൂരോപ്പട ഗ്രാമപഞ്ചായത്ത് 17-ാം വാർഡ് അംഗമായാണ് അമ്പിളി മാത്യൂ തെരഞ്ഞെടുക്കപ്പെട്ടത്.
നറുക്കെടുപ്പിലൂടെയാണ് അമ്പിളി മാത്യുവിന്റെ വിജയം.
അമ്പിളിക്ക് ഏഴ് വോട്ടുകളും, എല്‍ഡി ഫിലെ ദീപ്തി ദിലീപിന് ഏഴ് വോട്ടുകളും ലഭിച്ചു.
ബി.ഡി.ജെ.എസ് അംഗം ആശാ ബിനു അമ്പിളി മാത്യൂവിന് അനുകൂലമായി വോട്ട് ചെയ്തതോടെയാണ് വോട്ടുകള്‍ തുല്യമായത്.
ബി.ജെ.പിയുടെ മൂന്ന് അംഗങ്ങള്‍ വോട്ടെടുപ്പില്‍ പങ്കെടുത്തില്ല.
17 വാർഡുകളുള്ള കൂരോപ്പട പഞ്ചായത്തില്‍ എല്‍ഡിഎഫ് -7 യു ഡി എഫ് – 6
ബി ജെ പി – 3
ബിഡിജെഎസ് – 1
എന്നിങ്ങനെയാണ് കക്ഷി നില.
സി.പി.എം ലെ ഷീലാ ചെറിയാൻ രാജി വച്ചതിനെ തുടർന്നാണ് തെരഞ്ഞെടുപ്പ് നടന്നത്.വോട്ടെടുപ്പില്‍ ബിഡിജെഎസ് പ്രതിനിധി ആശാ ബിനു പിന്തുണച്ചതോടെയാണ് 7-7 എന്ന കക്ഷി നില വന്നതോടെ നറുക്കെടുപ്പ് വേണ്ടി വന്നത്.
പഞ്ചായത്തിലെ മുൻ യുഡിഎഫിൻ്റെ ഭരണകാലത്തും
അമ്പിളി മാത്യു പ്രസിഡൻ്റായിരുന്നിട്ടുണ്ട്.
