അരീക്കോട്:അരീക്കോട് പൊലീസ് സ്റ്റേഷൻ പരിധിയിലെ ആക്കപ്പറമ്പിലെ വീട്ടിൽ നിർത്തിയിട്ട ബൈക്ക് മോഷണം നടത്തിയ രണ്ട് യുവാക്കൾ പിടിയിൽ. തവനൂർ സ്വദേശി മേമുസമ്മിൽ (19), വിളയിൽ സ്വദേശി മാനത്തുകണ്ടിൽ മുഹമ്മദ് ഇർഫാൻ(19) എന്നിവരെയാണ് അരീക്കോട് സി ഐ ലൈജുമോൻ്റെ നേതൃത്വത്തിൽ അറസ്റ്റ് ചെയ്തത്. മോഷ്ടിച്ച വാഹനം പ്രായപൂർത്തിയാകാത്ത കുട്ടികൾക്കും മുതിർന്നവർക്കും കുറഞ്ഞ വിലക്ക് വിൽക്കുന്നതാണ് പ്രതികളുടെ രീതിയന്ന് പൊലീസ് പറയുന്നു. സമാനമായ രീതിയിൽ മറ്റു കേസുകളിൽ പ്രതികൾ ഉൾപ്പെട്ടിട്ടുണ്ടോ എന്നകാര്യം അന്വേഷിച്ചു വരുകയാണെന്നും ലൈജു മോൻപറഞ്ഞു.
സബ് ഇൻസ്പെക്ടർ അമദ്, എ.എസ്.ഐ മുഹമ്മദ് ഹുസൈൻ, സിവിൽ പൊലീസ് ഓഫിസർമാരായ അബ്ദുൽ ജബ്ബാർ, ഷിബു, സലീഷ് കുമാർ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു. പിടികൂടിയ പ്രതികളെ പെരിന്തൽമണ്ണ കോടതിയിൽ ഹാജരാക്കി.
