അക്ഷര ലോകത്തേക്ക് പറന്നുയരുന്ന കുഞ്ഞ് കുരുവികൾക്ക് ആശംസയുമായി മലപ്പുറം ജില്ല കലക്ടർ കെ ഗോപാലക്യഷ്ണൻ ഐ എ എസ്.
കളക്ടറുടെ വാക്കുകൾ :
‘അറിവിന്റെ ആകാശങ്ങളിലേക്ക് പറന്നുയരാൻ കൊച്ചു കൂട്ടുകാരെ നിങ്ങൾക്ക് അക്ഷര മുറ്റങ്ങളിലേക്ക് സ്വാഗതം. വിജ്ഞാനവും വിനോദവും പകരുന്ന നമ്മുടെ വിദ്യാലയ അങ്കണങ്ങൾ ഇനി നിങ്ങളുടെ സ്വപ്നങ്ങൾക്ക് കൂടുതൽ നിറം പകരട്ടെ. കോവിഡ് തീർത്ത പ്രതിബന്ധങ്ങളെ ഓൺലൈൻ അധ്യയനത്തിലൂടെ നമുക്ക് തൽക്കാലം മറികടക്കാം. പഠിച്ച് മിടുക്കരാകാൻ , മുതിർന്ന പൗരൻമാരാകുമ്പോഴേക്കും വീട്ടുകാരുടെയും കൂട്ടുകാരുടെയും നാട്ടുകാരുടെയും പ്രതീക്ഷകൾക്കൊത്ത് വളരാനും പ്രതിഭകളാകാനും സമൂഹത്തിന് നിങ്ങളാലാകുന്ന വിലപ്പെട്ട സംഭവനകൾ നൽകാനും കൂട്ടുകാരെ നിങ്ങൾക്ക് കഴിയട്ടെ. പുതിയ കാലം പുതിയ വെല്ലുവിളികളുടേതു കൂടിയാണ്. അതിനൊപ്പം വിരൽ തുമ്പത്ത് സാധ്യതകൾ ഏറെയുമുണ്ട്. അറിവിന്റെ വിഹായസിലേക്ക് ചിറകു വിരിച്ച കൂട്ടുകാർക്ക് ഒരു പാട് ഉയരങ്ങൾ കീഴടക്കാൻ കഴിയട്ടെയെന്ന് ആത്മാർത്ഥമായി ആശംസിക്കുന്നു.’
മീഡിയ വിങ്ങ്സ്
