റിയാദ്: മുക്കം ഏരിയാ സർവ്വീസ് സൊസൈറ്റി ( മാസ്) റിയാദ് പ്രവർത്തക സംഗമവും സൗദിയുടെ 91 -ാം മത് ദേശീയ ദിനവും ആഘോഷിച്ചു.
ഓൺലൈൻ ഫ്ലാറ്റ്ഫോമിൽ നടത്തിയ പരിപാടിയിൽ കൊടിയത്തൂർ ഗ്രാമപഞ്ചായത്ത് പ്രസിഡൻ്റ് ഷംലൂലത്ത് ഉൽഘാടനം ചെയ്ത് സംസാരിച്ചു. പുതുതായി ചുമതലയേറ്റ സംഘടനയുടെ ഭാരവാഹികളെ അഭിനന്ദിക്കുകയും എല്ലാവിധ പിന്തുണ അറീയിക്കുകയും ചെയ്തു.
ചടങ്ങിൽ പ്രസിഡൻ്റ് ഷാജു കെ.സി അധ്യക്ഷത വഹിച്ചു.
സലാം പേക്കാടൻ ഖിറാഅത്ത് നിർവ്വഹിച്ചു. ചടങ്ങിൽ വിവിധ സംഘടനകളെ പ്രതിനിധീകരിച്ചവർ ആശംസകൾ നേർന്നു. എമിറേറ്റ്സ് ഫോറം പ്രസിഡൻ്റ് ബഷീർ സി.പി, ഖത്തർ ഫോറം സെക്രട്ടറി അമീൻ എം.എ, സംഘടനയുടെ മുൻകാല പ്രസിഡൻ്റുമാരായ ഹസ്സൻ മാസ്റ്റർ, മൂസക്കുട്ടി പി, പി.സി മുഹമ്മദ്, അഹമ്മദ്കുട്ടി, മാസ് രക്ഷാധികാരികളായ ഉമ്മർ കെ.ടി, ഷരീഫ് സി.കെ.ശിഹാബ് കൊടിയത്തൂർ എന്നിവർ ആശംസകൾ നേർന്നു കൊണ്ട് സംസാരിച്ചു.
സെക്രട്ടറി അശ്റഫ് മേച്ചീരി സ്വാഗതവും ട്രഷറർ ജബ്ബാർ കെ.പി നന്ദിയും പറഞ്ഞു.
