കരിപ്പൂർ എയർപ്പോർട്ടിൽ വലിയ വിമാനങ്ങൾക്കുള്ള അനുമതി എന്നെത്തെക്കുമായി തടയാനും അത് വഴി വിമാനത്താവളത്തെ ചെറുതാക്കി ഇല്ലാതാക്കാനുമുള്ള ഗൂഢാലോചനയുടെ ഭാഗമാണ് വിമാനത്താവളത്തിൻ്റെ റൺവേ വെട്ടിക്കുറക്കാനുള്ള തീരുമാനമെന്നും അണിയറയിൽ നടക്കുന്ന ഈ ഗൂഢനീക്കത്തെ വിമാനത്താവളം ഉപയോഗിക്കുന്ന മലപ്പുറം കോഴിക്കോട്, വയനാട്, പാലക്കാട് ജില്ലകളിലെ ലക്ഷക്കണക്കിന് വരുന്ന ബഹുജനങ്ങളെയും ജനപ്രതിനിധികളെയും അണിനിരത്തി പ്രതിരോധിക്കുമെന്നും പ്രതിപക്ഷ ഉപനേതാവ് പി.കെ. കുഞ്ഞാലിക്കുട്ടി MLA പ്രഖ്യാപിച്ചു.
മലബാർ ഡവലെപ്പ്മെൻ്റ് ഫോറം കരിപ്പൂർ സംയുക്ത സമരസമിതിയുടെ നേതൃത്വത്തിൽ കരിപ്പൂർ വിമാനത്താവളത്തിലേക്ക് നടത്തിയ ബഹുജന മാർച്ച് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
സംയുക്ത സമരസമിതി ചെയർമാൻ ടി.വി. ഇബ്രാഹീം MLA അദ്ധ്യക്ഷത വഹിച്ചു. കരിപ്പൂരിനെ തകർക്കാൻ ഉദ്യോഗസ്ഥരും കേന്ദ്ര ഗവൺമെൻറും വലിയ നീക്കം നടത്തുന്നതായി ഡൽഹിയിൽ അനുഭവപ്പെടുന്നതായി ചടങ്ങിൽ സംസാരിച്ച ഇ.ടി. മുഹമ്മദ് ബഷീർ MP പറഞ്ഞു.
ചടങ്ങിൽ സംയുക്ത സമരസമിതിയുടെ തുടർ സമരങ്ങളുടെ ഫ്ലാഗ് ഓഫ് സമര സമിതി ചെയർമാൻ ടി.വി. ഇബ്രാഹീം MLA ക്കും മറ്റ് സമര സമിതി നേതാക്കൾക്കുമായി പതാക നൽകി എയർപോർട്ട് വികസന സമിതി ചെയർമാൻ ഡോ. എം.പി. അബ്ദുസമദ് സമദാനി MP നിർവഹിച്ചു. മലബാറിൻ്റെ വികസന കവാടമായ കരിപ്പൂരിനെ തകർക്കാൻ ശ്രമിക്കുന്നത് നാടിനോട് കാണിക്കുന്ന അനീതിയാണെന്ന് ഡോ. അബ്ദുസമദ് സമദാനി പറഞ്ഞു.
കരിപ്പൂരിനെ തകർക്കാൻ ശ്രമിക്കുന്ന ശക്തികളെ തുറന്നു കാണിക്കുമെന്നും, ജനപ്രതിനിധികളെയും, ബഹുജനങ്ങളെയും സംഘടിപ്പിച്ച് ശക്തമായ സമരപരിപാടികളുമായി മുന്നോട്ടു പോകുമെന്നും MK രാഘവൻ MP പറഞ്ഞു.
എം ഡി.എഫ് ചെയർമാൻ യു.എ ലത്തീഫ് സമര പ്രതിജ്ഞ ചെല്ലി കൊടുത്തു. എംഎൽഎമാരായ അഡ്വ പി ടി എ റഹീം, നജീബ് കാന്തപുരം, എ.പി. അനിൽകുമാർ, പി. ഹമീദ് മാസ്റ്റർ, പി. ഉബൈദുല്ല, യു.എ. ലത്തീഫ്, മുനിസിപ്പൽ ചെയർമാന്മാരായ സി.ടി. ഫാത്തിമത്ത് സുഹ്റ, കെ.പി മുഹമ്മദ് കുട്ടി, ജില്ലാ പഞ്ചായത്ത് വികസന സ്റ്റാൻറ്റിങ്ങ് കമ്മിറ്റി ചെയർ പേർസൺ ഷെറീന ഹസീബ് , മെമ്പർമാരായ കെ പി സലിന, ഷെരിഫ് എം.പി , രാഷ്ട്രീയ മത സംഘടനാ നേതാക്കളായ സഖാവ് പ്രമോദ്, ജബ്ബാർ ഹാജി, AK അബ്ദുറഹിമാൻ, അഷറഫ് മടാൻ, എ.സി നൗഷാദ് , അഡ്വ. സമദ് (സി.പി.ഐ ജില്ലാ കമ്മിറ്റി മെമ്പർ), ടി.എ സമദ് (ഐ.എൻ.എൽ ജില്ലാ പ്രസിണ്ടണ്ട്), ഗണേഷ് വടേരി (വെൽഫയർ പാർട്ടി ജില്ലാ സെക്രട്ടറി), അബ്ദുസമദ് പുക്കോട്ടൂർ (SYS സംസ്ഥാന സെക്രട്ടറി), ജമാൽ കരുളായി (മുസ്ലിം ജമാഅത്ത് ജില്ലാ സെക്രട്ടറി) , Dr ഹുസൈൻ മടവൂർ (ജന: സെക്രട്ടറി അഖിലേന്ത്യ ഇസ് ലാഹി മുവ്മെൻ്റ്) , സി.പി ഉമർ സുല്ലമി (ജന.സെക്രട്ടറി മർക്കസു ദഅവ), അബ്ദുൽ ഹക്കിം നദ്‌വി (സെക്രട്ടറി, ജമാഅത്തെ ഇസ് ലാമി കേരള), ടി.കെ അഷറഫ് (സംസ്ഥാന ജന. സെക്രട്ടറി വിസ്ഡം), എയർ പോർട്ട് വികസന സമിതി അംഗം എ.കെ .എ നസീർ, മക്ക കെ.എം.സി.സി. ജനറൽ സെക്രട്ടറി മുജീബ് പൂക്കോട്ടൂർ, കരിപ്പൂർ പൗരസമിതി കൺവീനർ അഹമ്മദ് ഹാജി കരിപ്പൂർ , MDF നേതാക്കളായ സഹദ് പുറക്കാട്, ഗുലാം ഹുസൈൻ കൊളക്കാടൻ, സന്തോഷ് വലിയപറമ്പത്ത്, ഉമ്മർകോയ തുറക്കൽ, അഷ്റഫ് കളത്തിങ്കൽപാറ, പൃതിരാജ് നാറാത്ത്, ഷബീർ കോട്ടക്കൽ, അഷറഫ് കപ്പാടൽ യുസഫ് അലി , നിസ്താർ ചെറുവണൂർ, സജിന വേങ്ങേരി, അബ്ബാസ് കളത്തിൽ, സലീം ,ഹസീബ് പുളിക്കൽ പാറക്കൽ മൊയ്തീൻകൂട്ടി കുണ്ടോട്ടി എന്നിവർ മാർച്ചിൽ പങ്കെടുത്ത് സംസാരിച്ചു
സമരസമിതി ജനറൽ കൺവീനർ അബ്ദുറഹിമാൻ ഇടക്കുനി സ്വാഗതവും ട്രഷറർ അബ്ദുറഹിമാൻ ഇണ്ണി നന്ദിയും പറഞ്ഞു
