എസ്സ് എസ്സ് എൽ സി മുതൽ യോഗ്യതയുള്ളവർക്ക് മിൽമയിൽ അവസരം; 46,990 രൂപ വരെ മാസ ശമ്പളം
1300 കോടി വാർഷിക വരുമാനമുള്ള, കൃത്യമായ ഇടവേളകളിൽ ശമ്പള പരിഷ്കരണം നടത്തുന്ന, തൊഴിൽ മാനദണ്ഡങ്ങൾക്ക് സർക്കാർ മാർഗ രേഖകൾ പിന്തുടരുന്ന സ്ഥാപനമാണ് മിൽമ. മിൽമയിലെ വിവിധ തസ്തികകളിലെ ഒഴിവുകളിലേക്ക് സ്ഥിര നിയമനത്തിനായുള്ള വിജ്ഞാപനം പുറപ്പെടുവിച്ചിരിക്കുകയാണ്. പ്ലാന്റ് അസിസ്റ്റന്റ്, ടെക്‌നീഷ്യൻ, ജൂനിയർ അസിസ്റ്റന്റ് എന്നീ തസ്തികകളിലായി 99 ഒഴിവുകളാണുള്ളത്. പ്ലാന്റ് അസിസ്റ്റന്റ് തസ്തികയ്ക്ക് പത്താം ക്ലാസ് ജയം ആണ് കുറഞ്ഞ യോഗ്യത (ഡിഗ്രി പാസാവാൻ പാടില്ല). ടെക്‌നീഷ്യൻ തസ്തികയ്ക്ക് ഐ ടി ഐ / തത്തുല്യവും ജൂനിയർ അസിസ്റ്റന്റ് തസ്തികയ്ക്ക് ബി കോം. ആണ് കുറഞ്ഞ യോഗ്യത.
തെരഞ്ഞെടുക്കപ്പെട്ടാൽ 46,990 രൂപ വരെ മാസ ശമ്പള സ്കെയിലാണ് ജോലി. (ഇതിന് പുറമെ 36% ഡി. എ. യും 10% എച്ച്. ആർ. എ. യും എല്ലാ പോസ്റ്റുകൾക്കും ലഭിക്കുന്നു). കാസർകോഡ്, കണ്ണൂർ, വയനാട്, കോഴിക്കോട്, മലപ്പുറം, പാലക്കാട് എന്നീ ജില്ലകളിലാണ് ഒഴിവുകളുള്ളത്. 40 വയസ്സാണ് ഉയർന്ന പ്രായ പരിധി (എസ്സ്. സി. / എസ്സ്. ടി. വിഭാഗങ്ങൾക്ക് 45 വയസ്സും ഓ. ബി. സി. വിഭാഗങ്ങൾക്ക് 43 വയസ്സ് വരെയും അപേക്ഷിക്കാം ). ഓൺലൈനായി അപേക്ഷിക്കേണ്ട അവസാന തിയ്യതി: 25-03-2021
ഓൺലൈൻ അപേക്ഷ സമർപ്പിക്കാനും കൂടുതൽ വിവരങ്ങൾക്കും താഴെ ഉള്ള ലിങ്കുകൾ/ വെബ്സൈറ്റ് ഏതെങ്കിലും സന്ദർശിക്കുക.
https://milma.com/career/careeroppurtunities
