ചവറ: എയിഡ്സ് ബാധിതരുടെ നിർധന കുടുംബങ്ങൾക്കുള്ള ഫെബ്രുവരി മാസ ഭക്ഷ്യധാന്യ കിറ്റ് വിതരണത്തിനായി നൻമവണ്ടി പുറപ്പെട്ടു . ജില്ലാ പഞ്ചായത്ത് അംഗം അഡ്വ.സി.പി.സുധീഷ് കുമാർ നൻമ വണ്ടി ഫ്ളാഗ് ഓഫ് ചെയ്തു .കോവിഡ് കാലത്ത് ആരംഭിച്ച പ്രതിമാസ ഭക്ഷ്യധാന്യ കിറ്റ് വിതരണം പത്ത് മാസങ്ങൾ പിന്നിട്ടു.
കരുനാഗപ്പള്ളി താലൂക്കിലെ നിർധനരും ,നിരാലംബരും ,വിധവകളുമടങ്ങിയ 19 കുടുംബങ്ങൾക്കാണ് മാസം തോറും ഭക്ഷ്യധാന്യ കിറ്റുകൾ വിതരണം ചെയ്യുന്നത്. ചടങ്ങിൽ പ്രമുഖ ജീവകാരുണ്യ പ്രവർത്തകരായ ഷാജഹാൻ രാജധാനിയും നജീബ് മണ്ണേലും ചേർന്ന് എസ്.ഐ. ടി.എ.നജീബിനെ നൻമ വണ്ടിയുടെ ഉപഹാരം നൽകി ആദരിച്ചു.
എം.കെ.ബിജു മുഹമ്മദ് ആമുഖ പ്രഭാഷണം നടത്തി . അബ്ദുൽ ഷുക്കൂർ , ഹാരീസ് ഹാരി , മുഹമ്മദ് പൈലി , ഹായ് ഭാരവാഹികളായ കിഷോർ , മുഹമ്മദ് അമീർ , ബിജു , രാഹുൽ , ജോൺസൺ എന്നിവർ സംസാരിച്ചു.
