റിയാദ് – ഒ.ഐ.സി.സി റിയാദ് സെൻട്രൽ കമ്മിറ്റി നിർവാഹക സമിതി അംഗവും റിയാദിലെ സാമൂഹ്യ പ്രവർത്തകനുമായ നൗഷാദ് വെട്ടിയാർ (52) അന്തരിച്ചു. ഹൃദയസ്തംഭനമായിരുന്നു. പത്തു ദിവസം മുമ്പ് സ്ട്രോക്ക് വന്നതിനെ തുടർന്ന് ഹയാത്ത് ഇന്റർനാഷണൽ ആശുപത്രിയിൽ ചികിത്സയിലായിരുന്നു. വ്യാഴാഴ്ച വൈകിട്ടാണ് വീണ്ടും ഹൃദയാഘാതമുണ്ടായത്.
റിയാദിലെ പൊതു സമൂഹത്തിനും വിശിഷ്യാ സംഘടനയ്ക്കും നികത്താനാവാത്ത നഷ്ടമാണ് നൗഷാദിന്റെ വിയോഗം എന്ന് അനുശോചനക്കുറിപ്പിൽ ഒ ഐ സി സി അറിയിച്ചു.
ഭാര്യ: റഹീന നൗഷാദ്. മക്കൾ: ആലിയ നൗഷാദ്, ആശ നൗഷാദ്.
