നോയ്ഡയില്‍ ഇന്നുമുതല്‍ രാത്രി കര്‍ഫ്യു പ്രഖ്യാപിച്ചു. ഉത്തര്‍പ്രദേശിന്റെ ഭാഗമായ നോയ്ഡയില്‍ രാത്രി 10 നും രാവിലെ 7 നും ഇടയില്‍ പുറത്തിറങ്ങാന്‍ പാടില്ല എന്നാണ് അധികൃതര്‍ അറിയിച്ചിരിക്കുന്നത്. കോവിഡ് 19 മഹാരമാരിയുടെ രണ്ടാം ഘട്ടം അതിശക്തമായി വ്യാപിച്ചു വ്യാപിച്ചുകൊണ്ടിരിക്കുന്ന സാഹചര്യത്തില്‍ ശക്തമായ നിയന്ത്രണങ്ങള്‍ ഏര്‍പ്പെടുത്തിയ സംസ്ഥാനങ്ങളുടെ കൂട്ടത്തില്‍ ഉത്തര്‍പ്രദേശും ചേര്‍ന്നിരിക്കുകയാണ്.
രോഗികളുടെ കണക്ക് ഇന്ത്യയില്‍ ആദ്യമായി ഒരു ലക്ഷം കവിഞ്ഞത് കഴിഞ്ഞ തിങ്കളാഴ്ചയാണ്. അതിനു ശേഷം തുടര്‍ച്ചയായി മൂന്നു ദിവസവും ഒരുലക്ഷത്തിലധികം പോസിറ്റീവ് കേസുകള്‍ റിപ്പോര്‍ട്ട് ചെയ്തിട്ടുണ്ട്. ലോകത്ത് ഏറ്റവും കൂടുതല്‍ പോസിറ്റീവ് കേസുകള്‍ റിപ്പോര്‍ട്ട് ചെയ്യുന്ന രാജ്യമാണ് ഇന്ത്യ.
