തവനൂർ : തിരഞ്ഞെടുപ്പ് പരാജയത്തെ തുടർന്ന് യു.ഡി.എഫിലെ അനൈക്യമാണ് തന്റെ പരാജയത്തിന് കാരണമെന്ന രീതിയിലുള്ള മാധ്യമ ചർച്ചക്കെതിരെ യൂത്ത് കോൺഗ്രസ് രംഗത്ത്. അക്രമത്തിൽ നിന്ന് രക്ഷപെടാൻ വാല് മുറിച്ചു ഓടി മറയുന്ന പല്ലിയാകരുതെന്നും യൂത്ത് കോൺഗ്രസ് സംസ്ഥാന ജനറൽ സെക്രട്ടറി ഇ.പി. രാജീവ്.
തവനൂരിൽ സംസ്ഥാന നേതൃത്വം കെട്ടിയിറക്കിയ സ്ഥാനാർത്ഥിയായിട്ടു കൂടി യൂത്ത് കോൺഗ്രസ് പ്രവർത്തിച്ചു. എൽ ഡി എഫ് തരംഗത്തിൽ നിരവധി മണ്ഡലങ്ങൾ നഷ്ടപ്പെട്ടിട്ടുണ്ട് . ചാരിറ്റി പ്രവർത്തകൻ എന്ന നിലയിൽ കവിഞ്ഞു ഒരു രാഷ്ട്രീയ നിലപാട് ഇല്ലാതിരുന്നിട്ടും എണ്ണയിട്ട യന്ത്രം കണക്കെ പ്രവർത്തിച്ച പ്രവർത്തകരെ അപമാനിക്കുന്നതിനു തുല്യമാണെന്നും ഇ. പി. രാജീവ് ഫേസ് ബുക്ക് പോസ്റ്റിൽ കുറിച്ചു.
