കുവൈത്ത് സിറ്റി: ഭക്ഷണം തൊണ്ടയില്‍ കുടുങ്ങി ഒമ്പത് മാസം പ്രായമുള്ള കുഞ്ഞ് കുവൈത്തില്‍ ചികിത്സയിലിരിക്കെ മരിച്ചു. കൊയിലാണ്ടി സ്വദേശികളായ പ്രവാസി ദമ്പതികള്‍ ജവാദിന്റെയും ജംഷിനയുടെയും മകൻ എസ്രാൻ ജവാദ് ആണ് മരിച്ചത്.
കൊയിലാണ്ടി നഗരസഭ പ്രതിപക്ഷ നേതാവും മുസ്ലിം ലീഗ് മണ്ഡലം പ്രസിഡന്റായ വിപി ഇബ്രാഹിമിന്റെ പേരക്കുട്ടിയാണ് എസ്രാൻ ജവാദ്. കഴിച്ച ഭക്ഷണം തൊണ്ടയില്‍ കുടുങ്ങിയതിനെ തുടർന്ന് ആരോഗ്യനില വഷളായ കുട്ടിയെ കഴിഞ്ഞ രണ്ടു ദിവസമായി കുവൈത്തിലെ ആശുപത്രിയില്‍ പ്രവേശിപ്പിച്ചിരിക്കുകയായിരുന്നു.
ചികിത്സയിലിരിക്കെ ഇന്ന് രാവിലെയോടെയാണ് മരണം സംഭവിച്ചത്. മയ്യിത്ത് നടപടികള്‍ പൂർത്തിയാക്കിയ ശേഷം കുവൈത്തില്‍ തന്നെ ഖബറടക്കുമെന്ന് ബന്ധപ്പെട്ടവർ അറിയിച്ചു.
