റിയാദ്: മുൻ മുഖ്യമന്ത്രിയും കോൺഗ്രസ് നേതാവുമായ ഉമ്മൻ ചാണ്ടിയുടെ രണ്ടാം ചരമവാർഷിക ദിനത്തിന്റെ ഭാഗമായും, കെപിസിസി പ്രസിഡന്റും മുൻ മന്ത്രിയുമായ സിവി പത്മരാജന്റെ നിര്യാണത്തിൽ അനുശോചിച്ച് കൊണ്ടും റിയാദ് ഒഐസിസിയുടെ നേതൃത്വത്തിൽ അനുശോചന യോഗവും പുഷ്പാർച്ചനയും നടത്തി. ബത്ഹ സബർമതിയിൽ നടന്ന പരിപാടിയിൽ സെൻട്രൽ കമ്മിറ്റി പ്രസിഡന്റ് സലീം കളക്കര അധ്യക്ഷത വഹിച്ചു.
ചടങ്ങിൽ ഭാരവാഹികളായ ഫൈസൽ ബാഹസ്സൻ, അബ്ദുള്ള വല്ലാഞ്ചിറ, അഡ്വ: എൽ.കെ അജിത്ത്,രഘുനാഥ് പറശ്ശിനിക്കടവ്, ബാലു കുട്ടൻ, അമീർ പട്ടണത്ത്, സക്കീർ ധാനത്ത്, ജോൺസൺ മാർക്കോസ്, അശ്റഫ് മേച്ചേരി, നാദിർഷാ റഹ്മാൻ, ജയൻ കൊടുങ്ങല്ലൂർ, മാത്യൂസ് എറണാകുളം, വിൻസന്റ് തിരുവനന്തപുരം തുടങ്ങിയവർ ഇരുവരെയും അനുസ്മരിച്ചു കൊണ്ട് സംസാരിച്ചു.
ഈ മാസം 25 ന് ഉമ്മൻ ചാണ്ടിയുടെ പേരിൽ റിയാദിൽ നടക്കുന്ന വിപുലമായ അനുസ്മരണ പരിപാടിയിൽ ഉമ്മൻ ചാണ്ടിയുടെ മകനും പുതുപ്പള്ളി എംഎൽഎയുമായ ചാണ്ടി ഉമ്മനടക്കം സാമൂഹിക സാംസ്കാരിക രംഗത്തെ പ്രമുഖർ സംബന്ധിച്ച് സംസാരിക്കും. അൻസായി ഷൌക്കത്ത്, ജംഷി തുവ്വൂർ, നാസർ കല്ലറ,റഫീഖ് പട്ടാമ്പി മുസ്തഫ കുമരനെല്ലൂർ, റസാഖ് .ചാവക്കാട്, മുജീബ് മണ്ണാർമല തുടങ്ങിയവർ അനുസ്മരണ പരിപാടിക്ക് നേതൃത്വം നൽകി.
