റിയാദ്: യുഡിഫ് ന്റെ ചരിത്ര വിജയം ആഘോഷമാക്കി ഒഐസിസി റിയാദ് സെൻട്രൽ കമ്മിറ്റി.
ഇടതുപക്ഷ മുന്നണി ഭരണത്തോടുള്ള ജനങ്ങളുടെ അസംതൃപ്തിയും, ജനകീയ ആവേശത്തെ അവഗണിച്ച ഭരണശൈലിയോടുള്ള പ്രതിഷേധവുമാണ് ഈ വിധിയിലൂടെ വ്യക്തമായതെന്നും
യുഡിഎഫിന്റെ ജനകീയ മുന്നേറ്റം
ജനജീവിതത്തിന്റെ നാഡി പിടിച്ച പ്രചാരണം, തദ്ദേശ വികസനത്തിന് വ്യക്തമായ ദിശാബോധം, സുതാര്യവും ഉത്തരവാദിത്വമുള്ള ഭരണവാഗ്ദാനങ്ങളടക്കം ആണു യുഡിഎഫിന്റെ വിജയത്തിന്റെ കരുത്തായി മാറിയതെന്നും യോഗം വിലയിരുത്തി.
ഗ്രാമപഞ്ചായത്തുകളിൽ നിന്ന് നഗരസഭകളിലേക്കും ജില്ലാ പഞ്ചായത്തുകളിലേക്കും കോർപ്പറേഷനുകളിലേക്കും വരെ യുഡിഎഫ് കുറിച്ച മുന്നേറ്റം ഒഐസിസി ആവേശത്തിന്റെയും ആത്മവിശ്വാസത്തിന്റെയും ആഘോഷമാക്കി മാറ്റി.
ചടങ്ങിൽ നേതാക്കളും പ്രവർത്തകരും കേക്ക് മുറിച്ചു മധുരവിതരണം നടത്തി സന്തോഷം പങ്കിട്ടു.
കേരളത്തിലെ ജനങ്ങൾ നൽകിയ ഈ വിധി, ജനവിരുദ്ധ ഭരണത്തോടുള്ള ശക്തമായ പ്രതികരണമാണെന്നും
ഈ വിജയം വരാനിരിക്കുന്ന നിയമസഭാ തിരഞ്ഞെടുപ്പുകൾക്ക് വലിയ ആത്മവിശ്വാസം നൽകുന്നതാണെന്ന് യോഗത്തിൽ സംസാരിച്ചവർ പറഞ്ഞു.
ബത്ഹ സബർമതിയിൽ സംഘടിപ്പിച്ച വിജയാഘോഷ പരിപാടിയിൽ സെൻട്രൽ കമ്മറ്റി വർക്കിംഗ് പ്രസിഡന്റ് നവാസ് വെള്ളിമാട് കുന്നു അധ്യക്ഷത വഹിച്ചു.
ഒഐസിസി റിയാദ് സെൻട്രൽ കമ്മിറ്റി ഭാരവാഹികൾ ആയ നിഷാദ് ആലംകോട്, രഘുനാഥ് പറശനികടവ്, ബാലു കുട്ടൻ, അമീർ പട്ടണത്, ഷുക്കൂർ ആലുവ, നാദിർഷാ റഹ്മാൻ,മുൻ പ്രസിഡന്റ് അബ്ദുള്ള വല്ലാഞ്ചിറ, നാഷണൽ കമ്മറ്റി അംഗങ്ങളായ അഡ്വ. അജിത്,ഷാജി സോനാ,ഗ്ലോബൽ നേതാക്കൾ ആയ അസ്കർ കണ്ണൂർ, നൗഫൽ പാലക്കാടൻ, ജില്ലാ നേതാക്കൾ ആയ ഷാജി മഠത്തിൽ, സിദ്ധിക്ക് കല്ലുപറമ്പൻ, മൊയ്തീൻ പാലക്കാട്, അൻസായ് ഷൌക്കത്ത്, വഹീദ് വാഴക്കാട്, ഹരീന്ദ്രൻ കണ്ണൂർ,ജയൻ കൊടുങ്ങല്ലൂർ, ഷിബു ഉസ്മാൻ,മജീദ് കരുനാഗപ്പള്ളി, സുധീർ,ബഷീർ എന്നിവർ ആഘോഷ ചടങ്ങിന് ആശംസകൾ നേർന്നു കൊണ്ട് സംസാരിച്ചു.
പ്രവാസി മലയാളികൾ കേരളത്തിന്റെ രാഷ്ട്രീയ മാറ്റങ്ങളിൽ സജീവമായി പങ്കാളികളാകുന്നുവെന്നതിന്റെ തെളിവാണ് റിയാദിലെ ഈ ആഘോഷങ്ങളെന്നും, ജനാധിപത്യത്തിന്റെ കരുത്ത് അതിർത്തികൾക്കപ്പുറവും ഒരുപോലെ മുഴങ്ങുന്നുവെന്ന സന്ദേശമാണിതെന്നും ഒഐസിസി നേതാക്കൾ പറഞ്ഞു.
ഒഐസിസി വൈസ് പ്രസിഡന്റ് മുഹമ്മദലി മണ്ണാർകാട് ആമുഖം പറഞ്ഞ ആഘോഷചടങ്ങിന് ജനറൽ സെക്രട്ടറി സുരേഷ് ശങ്കർ സ്വാഗതവും ആക്ടിങ് ട്രഷറർ അബ്ദുൾ കരീം കൊടുവള്ളി നന്ദിയും പറഞ്ഞു.
