മർകസ് ഒ. ഖാലിദ് മെമ്മോറിയൽ ഇംഗ്ലീഷ് ഹൈസ്കൂളിൽ പാർലമെന്ററി രീതിയിൽ ക്ലാസ് ലീഡർ , പാർലമെന്ററി മെമ്പേഴ്സ്, ജനറൽ ക്യാപ്റ്റൻ എന്നീ പോസ്റ്റുകളിലേക്ക് ഓൺലൈനായി തെരഞ്ഞെടുപ്പ് സംഘടിപ്പിച്ചു. വിദ്യാർഥികളിൽ ജനാധിപത്യബോധം വർദ്ധിപ്പിക്കുന്നതിനും തെരഞ്ഞെടുപ്പ് പ്രക്രിയകൾ മനസ്സിലാക്കുന്നതിനും ഇത്തരം സംവിധാനം വളരെ പ്രയോജനകരമാണ്. സ്കൂൾ പ്രിൻസിപ്പാൾ ശരീഫ് മൂഴിയോട്ട്, മാനേജർ ഹൈദരലി നൂറാനി, ഹെഡ്മിസ്ട്രസ് സംഗീത കെ. ടി എന്നിവർ നേതൃത്വം നൽകി.
തെരഞ്ഞെടുപ്പുമായി ബന്ധപ്പെട്ട കാര്യങ്ങൾക്ക് സോഷ്യൽ സയൻസ് വിഭാഗം അധ്യാപിക ശ്രീമതി ശ്രീപ നേതൃത്വം നൽകുകയും ക്ലാസ് ടീച്ചേഴ്സ് , ഓഫീസ് സ്റ്റാഫ് എന്നിവർ പ്രക്രിയ പൂർത്തീകരിക്കാനായി വേണ്ട നിർദേശങ്ങൾ വിദ്യാർത്ഥികൾക്ക് നൽകുകയും ചെയ്തു.
