തിരുവനന്തപുരം: കോവിഡ് ആര് ടി പി സി ആര് പരിശോധന നിരക്ക് കുറയ്ക്കാനുള്ള ഉത്തരവ് പുറത്തിറക്കി ആരോഗ്യവകുപ്പ്. ഉത്തരവ് ലഭിക്കാതെ നിരക്ക് കുറയ്ക്കില്ലെന്ന് ലാബുകള് വ്യക്തമാക്കിയിരുന്നു. ഇതിനു പിന്നാലെയാണ് ആരോഗ്യവകുപ്പിന്റെ നടപടി.
ആര് ടി പി സി ആര് ടെസ്റ്റിന് 1,700ല് നിന്നും 500 ആക്കിയാണ് കുറച്ചത്. നേരത്തെ, നിരക്ക് കുറയ്ക്കുന്ന കാര്യത്തില് തീരുമാനമായിട്ടും ഉത്തരവിറങ്ങാത്തതില് പ്രതിപക്ഷം അടക്കം രംഗത്തെത്തിയിരുന്നു.