ആറന്മുള വിമാനത്താവളത്തിനായി ഏറ്റെടുത്തിരുന്ന സ്ഥലത്ത് പൂർണമായും നെല്‍കൃഷി ആരംഭിക്കുന്നു. ഒക്ടോബർ 27 നകം പദ്ധതിപ്രദേശത്ത് നെൽക്കൃഷി പുനരാരംഭിക്കുമെന്ന് കൃഷിവകുപ്പ് മന്ത്രി പി പ്രസാദ് അറിയിച്ചു. ബന്ധപ്പെട്ട വകുപ്പ് മന്ത്രിമാരുടെയും ഉദ്യോഗസ്ഥരുടെയും യോഗത്തിലാണ് തീരുമാനം.
നെൽകൃഷി പുനരാരംഭിക്കുന്നതുമായി ബന്ധപ്പെട്ട് കൃഷിമന്ത്രി, സ്ഥലം എംഎൽഎയും ആരോഗ്യവകുപ്പ് മന്ത്രിയുമായ വീണാ ജോർജ്ജ്, വൈദ്യുതി മന്ത്രി കെ കൃഷ്ണൻകുട്ടി, ജലവിഭവ വകുപ്പ് മന്ത്രി റോഷി അഗസ്റ്റിൻ, ബന്ധപ്പെട്ട വകുപ്പ് മേലധികാരികൾ എന്നിവരുടെ സംയുക്ത യോഗം കഴിഞ്ഞ ദിവസം ചേര്‍ന്നു. സാങ്കേതിക പ്രശ്നങ്ങൾ എത്രയും വേഗത്തില്‍ പരിഹരിക്കുന്നതിന് യോഗം തീരുമാനമെടുത്തു.
