പാലക്കാട് മലമ്പുഴയിൽ സിപിഎം ലോക്കൽകമ്മറ്റിയംഗം വെട്ടേറ്റു മരിച്ചു. കൊട്ടേക്കാട് കുന്നങ്കാട് വീട്ടിൽ ഷാജഹാൻ (40) ആണ് കൊല്ലപ്പെട്ടത്.
മരുതറോഡ് ലോക്കൽ കമ്മിറ്റി അംഗമായിരുന്നു ഷാജഹാൻ. വീടിനുസമീപം വച്ച് ഒരു സംഘം ആക്രമിക്കുകയായിരുന്നു. കൊലയ്ക്കു പിന്നിൽ ആർഎസ്എസ് ആണെന്ന് സിപിഎം ആരോപിച്ചു.
മൃതദേഹം പാലക്കാട് ജില്ലാ ആശുപത്രിയില്‍ സൂക്ഷിച്ചിരിക്കുകയാണ്.പ്രദേശത്ത് സംഘർഷം കണക്കിലെടുത്ത് വൻ പോലീസ് സംഘത്തെ വിന്യസിച്ചിട്ടുണ്ട്.
