ടെക്സാസ്
ഡാളസില്‍ നടന്ന വ്യോമാഭ്യാസത്തിനിടെ രണ്ട് വിമാനം ആകാശത്ത് കൂട്ടിയിടിച്ച്‌ പൊട്ടിത്തെറിച്ചു.
ഇരു വിമാനത്തിലുമുള്ള ആറ് പേര്‍ മരിച്ചതായാണ് റിപ്പോര്‍ട്ടുകള്‍. രണ്ട് പേരുടെ മരണം സ്ഥിരീകരിച്ചിട്ടുണ്ട്.രണ്ടാം ലോകയുദ്ധകാലത്ത് ഉപയോഗിച്ച ബോയിങ് ബി -17 ഫ്ലയിങ് ഫോര്‍ട്രസും ബെല്‍ പി -63 കിങ് കോബ്രയുമാണ് കൂട്ടിയിടിച്ചത്. വ്യോമാഭ്യാസമായതിനാല്‍ നൂറുകണക്കിനാളുകളുടെ കണ്‍മുന്നിലായിരുന്നു ദുരന്തം. അപകടത്തിന്റെ ഭീകരത വെളിവാക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പ്രചരിച്ചു.
വിമാനങ്ങള്‍ കൂട്ടിയിടിക്കുമ്ബോള്‍ കാണികള്‍ നിലവിളിക്കുന്ന ശബ്ദം വീഡിയോകളില്‍ കേള്‍ക്കാം. കിങ് കോബ്ര ബി -17 വിമാനത്തില്‍ ഇടിച്ചശേഷം നിലംപതിച്ച്‌ തീഗോളമായി കത്തിയമര്‍ന്നു. അപകടം ഹൃദയഭേദകമാണെന്ന് ഡാളസ് മേയര്‍ എറിക് ജോണ്‍സണ്‍ പ്രതികരിച്ചു. അതേസമയം അപകടത്തില് എത്രപേര് മരിച്ചുവെന്ന കാര്യമോ മരിച്ചവരുടെ വിവരമോ അധികൃതര് പുറത്തുവിട്ടിട്ടില്ല
