തിരുവനന്തപുരം : പ്ലസ് വണിന് ഒന്നാം സപ്ലിമെന്‍ററി അലോട്ട്മെന്റിൽ അപേക്ഷിച്ചിട്ടും സീറ്റ് ലഭിക്കാത്തവർക്ക് രണ്ടാം സപ്ലിമെന്‍ററിറി അലോട്ട്മെന്‍റിന് അപേക്ഷ പുതുക്കി നൽകാം. (http:// www.admission.dge.kerala.gov.in) നിലവിലുള്ള ഒഴിവിന് അനുസൃതമായി ഓപ്ഷനുകൾ പുതുക്കി നൽകാനാണ് അവസരം.
ഇന്ന് (നവംബർ 17 ) മുതൽ നവംബർ 19 ന് വൈകീട്ട് നാലുമണിവരെയാണ് അപേക്ഷിക്കാനുള്ള സമയം. ക്യാൻഡിഡേറ്റ് ലോഗിനിലൂടെയാണ് അപേക്ഷ പുതുക്കേണ്ടത്.
സ്കൂൾ/കോമ്പിനേഷൻ ട്രാൻസ്ഫറിന് ശേഷമുള്ള ഒഴിവുകളും രണ്ടാം സപ്ലിമെന്‍ററി അലോട്ട്മെന്‍റിനെ സംബന്ധിച്ച വിശദ നിർദ്ദേശങ്ങളും ഇന്ന് പ്രസിദ്ധീകരിക്കുമെന്നും പൊതുവിദ്യാഭ്യാസ ഡയരക്ടർ അറിയിച്ചു.
തമിഴ്‌നാട് പരീക്ഷാ ബോർഡിൽ നിന്നും 2021 ൽ പത്താം ക്ലാസ് പരീക്ഷ പാസ്സായ കുട്ടികൾക്ക് അടുത്ത അലോട്ട്മെന്റിൽ ഉൾപ്പെടുത്തുന്നതിന് അനുമതി നൽകി സർക്കാർ ഉത്തരവ് പ്രസിദ്ധീകരിച്ചു.
Mediawings:
