ന്യൂഡൽഹി: നദികളെ മാലിന്യമുക്തമാക്കണമെന്ന് പ്രധാനമന്ത്രി നരേന്ദ്ര മോദി. ജീവിതവുമായി ബന്ധപ്പെട്ട നദികളെ സംരക്ഷിക്കേണ്ടത് നമ്മുടെ കർത്തവ്യമാണെന്നും അദ്ദേഹം പറഞ്ഞു. മൻകിബാത് പരിപാടിയിൽ സംസാരിക്കുകയായിരുന്നു അദ്ദേഹം.
സെപ്റ്റംബർ മാസം സുപ്രധാന മാസമാണ്. ലോക നദി ദിനം വരുന്ന മാസമാണത്. നിസ്വാർഥമായി നമുക്ക് വെള്ളം നൽകുന്ന നമ്മുടെ നദികളുടെ സംഭാവനകൾ ഓർക്കാൻ ഒരു ദിവസം – പ്രധാനമന്ത്രി പറഞ്ഞു. ഇന്ന് ലോകം നദി ദിനം ആഘോഷിക്കുന്നു. വർഷത്തിൽ ഒരിക്കലെങ്കിലും “നദി ഉത്സവം’ ആഘോഷിക്കാൻ ഈ അവസരത്തിൽ രാജ്യത്തെ എല്ലാ ജനങ്ങളോടും ആഹ്വാനം ചെയ്യുകയാണ്.
