നേതാക്കളെ എന്‍ ഐ എ അറസ്റ്റ് ചെയ്തതില്‍ പ്രതിഷേധിച്ച് പോപ്പുലര്‍ ഫ്രണ്ട് ആഹ്വാനം ചെയ്ത ഹര്‍ത്താല്‍ മലയോരത്ത് പൂര്‍ണ്ണം.രാവിലെ 6 മണിമുതല്‍ വൈകിട്ട് 6 മണിവരെയാണ് ഹര്‍ത്താല്‍ .മലയോരത്തെ വിവിധ സ്ഥലങ്ങളില്‍ ഹര്‍ത്താല്‍ അനുകൂലികള്‍ വാഹനങ്ങള്‍ തടഞ്ഞു.
ഹര്‍ത്താല്‍ ദിനത്തില്‍ കെ.എസ്.ആര്‍.ടി.സി സര്‍വീസ് നടത്തുമെന്ന് അറിയിച്ചിരുന്നെങ്കിലും സര്‍വീസ് നടത്തുന്നില്ല. മലയോര മേഖലയായ കൊട്ടിയൂരില്‍ ഹര്‍ത്താല്‍ ഭാഗീകമാണ് ചുരുക്കം ചില കച്ചവട സ്ഥാപനങ്ങള്‍ തുറന്ന് പ്രവര്‍ത്തിക്കുന്നുണ്ട്. എന്നാല്‍ കേളകം മേഖലയില്‍ ഹര്‍ത്താല്‍ പൂര്‍ണ്ണമാണ്. സംഘര്‍ഷ സാധ്യത കണക്കിലെടുത്ത് ടൗണുകളിലെല്ലാം കനത്ത പോലീസ് സുരക്ഷയാണ് ഒരുക്കിയിരിക്കുന്നത്.പോലീസ് പെട്രോളിംങ്ങ് നടത്തുന്നുണ്ട്.
