ലഡാക്ക്: ജമ്മു കശ്മീരിലെ ലേയിൽ സ്വകാര്യ യാത്രാ ബസ് കൊക്കയിലേക്ക് മറിഞ്ഞ് ആറ് പേർ മരിച്ചു. 22 പേർക്ക് ഗുരുതരമായി പരിക്കേറ്റു. പരിക്കേറ്റവരെ ഉടൻ തന്നെ ലേയിലെ ജില്ലാ ആശുപത്രിയിലും സൈനിക ആശുപത്രിയിലും പ്രവേശിപ്പിച്ചു. പരിക്കേറ്റവരിൽ ചിലരുടെ നില അതീവ ഗുരുതരമാണ്.
ലേയിൽ നിന്ന് കിഴക്കൻ ലഡാക്കിലേക്ക് പോവുകയായിരുന്ന ബസ്സാണ് അപകടത്തിൽ പെട്ടത്. 200 മീറ്റർ താഴ്ച്ചയുള്ള കൊക്കയിലേക്കാണ് ബസ് വീണത്. പരിക്കേറ്റവരെ ഹെലികോപ്റ്റർ മാർഗമാണ് ആശുപത്രികളിൽ എത്തിച്ചത്. ലേയിലെ ഒരു കല്യാണ ചടങ്ങില്‍ പങ്കെടുക്കാൻ പോയ സംഘം യാത്ര ചെയ്ത ബസ്സാണ് അപകടത്തിൽ പെട്ടത്.
