ന്യൂഡല്‍ഹി: ആരോഗ്യ രംഗത്തെ കേരളത്തിന്‍റെ മികവിനെ പ്രശംസിച്ച്‌ മുതിര്‍ന്ന മാധ്യമ പ്രവര്‍ത്തകനും ഗ്രന്ഥകാരനുമായ രാജ്ദീപ് സര്‍ദേശായി. കേരളത്തില്‍ നിന്നും മറ്റു സംസ്ഥാനങ്ങള്‍ക്ക് പഠിക്കാനുണ്ടെന്നും ആരോഗ്യ രംഗത്ത് കൂടുതല്‍ നിക്ഷേപമിറക്കുകയല്ലാതെ മറ്റൊരു പരിഹാരമില്ലെന്നും സര്‍ദേശായി പറഞ്ഞു.
സര്‍ദേശായി ട്വീറ്റ് ചെയ്തതിങ്ങനെ: ”പൊതുജനാരോഗ്യത്തില്‍ നിക്ഷേപിക്കുന്ന കേരള മോഡലിനെ പ്രശംസിച്ചതിന് എന്നെ ഭീഷണിപ്പെടുത്തവരുടെ അറിവിലേക്കായി മറ്റൊരു വസ്തുത കൂടി പറയുന്നു. കേരളം ഓക്സിജന് മിച്ചമുള്ള സംസ്ഥാനമാണ്. മാത്രമല്ല കഴിഞ്ഞ വര്‍ഷം ഓക്സിജന് സംഭരണം 58% വര്‍ധിപ്പിക്കുകയും ചെയ്തു. ഇതില്‍ നിന്നും മറ്റു സംസ്ഥാനങ്ങള്‍ക്ക് പഠിക്കാനും സ്വീകരിക്കാനും ധാരാളമുണ്ട്. ആരോഗ്യ രംഗത്ത് നിക്ഷേപം വര്‍ധിപ്പിക്കുകയല്ലാതെ മറ്റൊരു മാര്‍ഗവുമില്ല”
കോവിഡിന്‍റെ ആദ്യ ഘട്ടങ്ങളില്‍ കേരളം സ്വീകരിച്ച പ്രതിരോധ നടപടികളെ പ്രശംസിച്ചും സര്‍ദേശായി നേരത്തേ രംഗത്തെത്തിയിരുന്നു.
