മുംബൈ:പ്രമുഖ നിക്ഷേപകൻ രാകേഷ് ജുൻജുൻവാല ഇന്ന് രാവിലെ മുംബൈയിലെ ആശുപത്രിയിൽ വച്ച് അന്തരിച്ചു. അദ്ദേഹത്തിന് 62 വയസ്സായിരുന്നു.
രാവിലെ 6.45 ഓടെ ഹൃദയാഘാതത്തെ തുടർന്ന് രാകേഷ് ജുൻജുൻവാലയെ ബ്രീച്ച് കാൻഡി ആശുപത്രിയിൽ പ്രവേശിപ്പിച്ചു. ആശുപത്രിയിൽ എത്തിയപ്പോഴേക്കും മരിച്ചതായി ആശുപത്രി അധികൃതർ അറിയിച്ചു.
കിഡ്നി സംബന്ധമായ അസുഖങ്ങളെ തുടർന്ന് ചികിത്സയിലായിരുന്നു ഇദ്ദേഹം.
ദലാൽ സ്ട്രീറ്റിലെ ബിഗ് ബുൾ എന്നറിയപ്പെടുന്ന മുതിർന്ന വ്യാപാരിയും നിക്ഷേപകനുമായ ഇദ്ദേഹത്തിൻ്റെ ആസ്തി ഏകദേശം 5.5 ബില്യൺ ഡോളർ ആണ്.
കഴിഞ്ഞയാഴ്ച പറന്നുയർന്ന ഇന്ത്യയുടെ ഏറ്റവും പുതിയ എയർലൈനായ ആകാശ എയറിന്റെ പ്രൊമോട്ടറായിരുന്നു അദ്ദേഹം.
