വിനോദ പരിപാടികള്‍ പുനരാരംഭിക്കാനൊരുങ്ങി സൗദി അറേബ്യ. റിയാദ് സീസണ്‍ എന്ന പേരിലാണ് പരിപാടികള്‍ക്ക് വീണ്ടും തുടക്കം കുറിക്കുന്നത്.ഇതിന്റെ മുന്നോടിയായി മന്ത്രാലയത്തിന് കീഴില്‍ പ്രൊമോഷന്‍ കാംപിയിനിനു തുടക്കമായി.
‘കൊഴിഞ്ഞുപോയ രണ്ട് വര്‍ഷങ്ങള്‍ക്ക് ഞങ്ങള്‍ നിങ്ങള്‍ക്ക് പകരം നല്‍കുന്നു’ എന്ന തലക്കെട്ടിലാണ് കാംപയിന്‍. റിയാദ് നഗരത്തിലും സമൂഹ മാധ്യമങ്ങളിലുമാണ് കാംപയിന്‍ നടന്നുവരുന്നത്. ഒപ്പം ‘ടൂ ഇയേഴ്‌സ് ഡോട്ട് എസ്.എ’ എന്ന വെബ്സൈറ്റ് വഴിയും മന്ത്രാലയം പൊതുജനങ്ങളുടെ അഭിപ്രായങ്ങള്‍ തേടുന്നുണ്ട്. വൈവിധ്യമാര്‍ന്ന വിനോദ, കലാ, സാംസ്‌കാരിക പരിപാടികള്‍ അടക്കമായിരിക്കും വരാനിരിക്കുന്നതെന്നും മന്ത്രാലയം വ്യക്തമാക്കി.
