ദുബൈ: ഡ്രൈവറാകാന്‍ താല്‍പര്യമുള്ളവരെ ദുബൈ റോഡ് ആന്‍ഡ് ട്രാന്‍സ്പോര്‍ട്ട് അതോറിറ്റി (ആര്‍.ടി.എ) വിളിക്കുന്നു.ജൂണ്‍ 11 മുതല്‍ 15 വരെയാണ് ഇന്‍റര്‍വ്യൂ.
ദുബൈ മുഹൈസന അമ്മാന്‍ സ്ട്രീറ്റില്‍ വൈകീട്ട് നാല് മുതല്‍ എട്ട് വരെ നടക്കുന്ന ഇന്‍റര്‍വ്യൂവില്‍ പങ്കെടുക്കാന്‍ താല്‍പര്യമുള്ളവര്‍ വാട്സ്ആപ് വഴിയോ ഇ-മെയില്‍ വഴിയോ സി.വി അയക്കണം. recruitment@dtc.gov.ae എന്ന വിലാസത്തില്‍ ഇ-മെയില്‍ അയക്കുകയോ 0565151791 എന്ന വാട്സ്ആപ് നമ്പറിൽ മെസേജ് അയക്കുകയോ ചെയ്യണം.
ഡ്രൈവിങ് ലൈസന്‍സ് ഇല്ലാത്തവര്‍ക്കും പങ്കെടുക്കാം. പ്രായപരിധി 23-55. ജോലി ലഭിക്കുന്നവര്‍ക്ക് മികച്ച ശമ്പളവും താമസസൗകര്യവും ആരോഗ്യ ഇന്‍ഷുറന്‍സുമാണ് ആര്‍.ടി.എ വാഗ്ദാനം ചെയ്യുന്നത്.
ഇന്‍റര്‍വ്യൂവിന് ഹാജരാകുന്നവര്‍ വിസ ഉള്‍പ്പെടെയുള്ള രേഖകള്‍ ഹാജരാക്കണം. വാക്സിനെടുത്തവരാണെങ്കില്‍ വാക്സിനേഷന്‍ കാര്‍ഡും അല്ലാത്തവര്‍ പി. സി. ആര്‍ ടെസ്റ്റ് നടത്തിയതിന്റെ രേഖയും ഹാജരാക്കണം.
