സയൻസ് ക്ലാസ് പരമ്പര..

തലശ്ശേരി : ലൈബ്രറി കൗൺസിലും ശാസ്ത്ര സാഹിത്യ പരിഷത്തും ലൈബ്രറികളിൽ ” നാം ജീവിക്കുന്ന ലോകം , നാം ജീവിക്കുന്ന കാലം ‘ എന്ന വിഷയത്തെക്കുറിച്ച് 14 മുതൽ നാലുദിവസം സയൻസ് ക്ലാസ് പരമ്പര നടത്തും . സംഘാടകസമിതി രൂപവത്കരണ യോഗം തലശ്ശേരിയിൽ ജില്ലാ ലൈബ്രറി കൗൺസിൽ പ്രസിഡന്റ് മുകുന്ദൻ മഠത്തിൽ ഉദ്ഘാടനം ചെയ്തു . താലൂക്ക് ലൈബ്രറി കൗൺസിൽ പ്രസിഡന്റ് ഇ . നാരായണൻ അധ്യക്ഷത വഹിച്ചു . പവിത്രൻ മൊകേരി , കെ . വിനോദ് , പി.കെ. വിജയൻ , എ . രാഘവൻ , എൻ.കെ. ജയപ്രസാദ് എന്നിവർ സംസാരിച്ചു . ലൈബ്രറി കൗൺസിലിൽ രജിസ്റ്റർ ചെയ്ത സന്നദ്ധ സേവ വൊളന്റിയർമാർക്കുള്ള തിരിച്ചറിയൽ കാർഡ് ലൈബ്രറി കൗൺസിൽ ജില്ലാ സെക്രട്ടറി പി.കെ. വിജയൻ വിതരണം ചെയ്തു .