കൊടുവള്ളി:
കൊടുവള്ളി ഉപജില്ലാ ശാസ്ത്ര നാടകത്തിൽ ഒന്നാം സ്ഥാനം കരസ്ഥമാക്കി കൊടുവള്ളി ഗവ.ഹയർ സെക്കൻഡറി സ്കൂൾ ജില്ലാതലത്തിൽ മത്സരിക്കാനുള്ള അവസരം സ്വന്തമാക്കി. കൂടത്തായ് സെൻ്റ് മേരീസ് സ്കൂളിൽ നടന്ന മത്സരത്തിൽ സ്കൂളിലെ വിദ്യാർത്ഥികളായ എം. അഭിജാത്, ഫാത്തിമ നിദ, അഫ്ഷാൻ, മിൻഹ ഫാത്തിമ, ഫാത്തിമ ഫിദ, നമ്രത അജ്മൽ, ആദിൽ അലി എന്നിവരാണ് നാടകത്തിൽ അഭിനയിച്ചത്. “അകലെ കാണുന്നതും കാണാത്തതും” എന്ന നാടകത്തിൽ , ശാസ്ത്ര കണ്ടുപിടുത്തങ്ങൾ മാനവരാശിയുടെ നന്മയ്ക്കും ഒരു സുസ്ഥിര ലോകം പടുത്തുയർത്തുനിനും വേണ്ടിയായിരിക്കണം എന്ന സന്ദേശമാണ് ജനങ്ങളിലേക്ക് എത്തിക്കുന്നത്. വിജയികളെ സ്കൂൾ പി.ടി.എ.യും സ്റ്റാഫും അനുമോദിച്ചു.
ശാസ്ത്ര നാടകം: ഒന്നാം സ്ഥാനം കൊടുവള്ളി ജി.എച്ച്.എസ്.എസിന്
