മുക്കം: മുക്കം വെസ്റ്റ് മണാശ്ശേരിയില്‍ കാറും സ്കൂട്ടറും ഇടിച്ചുണ്ടായ ഉണ്ടായ അപകടത്തില്‍ ഗുരുതര പരിക്കേറ്റ സ്കൂട്ടർ യാത്രക്കാരൻ മരിച്ചു. ചാത്തമംഗലം കളൻതോട് സ്വദേശി പിലാശ്ശേരി കണ്ടിയില്‍ ശരീഫ് (49) ആണ് മരിച്ചത്. തിങ്കളാഴ്ച പകല്‍ 12 മണിയോടെയാണ് അപകടമുണ്ടായത്.
റോഡരികില്‍ നിർത്തിയിട്ട സ്കൂട്ടറില് അമിത വേഗത്തില്‍ വന്ന കാർ ഇടിച്ചാണ് അപകടം ഉണ്ടായത്. പരിക്കേറ്റ സ്കൂട്ടർ യാത്രക്കാരനെ മുക്കത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.
