തിരുവനന്തപുരം: എട്ടു മാസത്തിനകം കുതിരാന്‍ രണ്ടാം തുരങ്കത്തിന്‍റെ നിര്‍മാണം പൂര്‍ത്തിയാക്കുമെന്നു പൊതു മരാമത്ത് മന്ത്രി പി. എ. മുഹമ്മദ് റിയാസ്. തുരങ്ക പാതയുടെ നിര്‍മാണ പുരോഗതി വിലയിരുത്താന്‍ ചേര്‍ന്ന ഉന്നത തല യോഗത്തിനു ശേഷം മാധ്യമ പ്രവര്‍ത്തകരുടെ ചോദ്യങ്ങള്‍ക്ക് മറുപടി പറയുക ആയിരുന്നു അദ്ദേഹം.
ടീം വര്‍ക്കിന്‍റെ ഫലമായാണ് ആദ്യ തുരങ്കം തുറക്കാന്‍ കഴിഞ്ഞത്. സമയക്രമം നിശ്ചയിച്ച്‌ രണ്ടാം തുരങ്ക പാതയിലെ നിര്‍മാണ പ്രവര്‍ത്തനങ്ങള്‍ സമയ ബന്ധിതമായി പൂര്‍ത്തിയാക്കും . കൂടാതെ എല്ലാവരേയും യോജിപ്പിച്ചു കൊണ്ട് രണ്ടാം തുരങ്കവും പൂര്‍ത്തിയാക്കുകയാണ് ലക്ഷ്യമെന്നും മന്ത്രി പറഞ്ഞു.
