കോഴിക്കോട്: കാലിക്കറ്റ് സർവകലാശാലയിലെ വിവിധ വകുപ്പുകളിലേക്കുള്ള നിയമനങ്ങളുടെ ലിസ്റ്റ് അംഗീകരിച്ചു. അസി. പ്രൊഫസർ തസ്തികയിലേക്ക് നടന്ന അഭിരുചി പരീക്ഷയിൽ പങ്കെടുത്ത, എ. എൻ. ഷംസീർ എംഎൽഎയുടെ ഭാര്യ പി.എം. ഷഹലയുടെ പേര് ലിസ്റ്റിൽ ഉൾപ്പെട്ടിട്ടില്ല.
ഷംസീറിന്റെ ഭാര്യയുടെ നിയമനത്തിൽ ക്രമക്കേട് ആരോപിച്ച് നിരവധി പരാതികൾ ഉയർന്നിരുന്നു. ഇക്കാര്യം ചൂണ്ടിക്കാട്ടി ഗവർണർക്ക് സേവ് യൂണിവേഴ്സിറ്റി കാംപയിൻ കമ്മിറ്റി പരാതിയും നൽകിയിട്ടുണ്ട്. 43 ഉദ്യോഗാർഥികൾക്കാണ് നിലവിൽ നിയമനം ലഭിച്ചിരിക്കുന്നത്.
നേരത്തെ ഷംസീറിന്റെ ഭാര്യ ഷഹലയ്ക്ക് കണ്ണൂര്‍ സര്‍വകലാശാലയില്‍ നല്‍കിയ നിയമനം വിവാദമാവുകയും നിയമനം കോടതി റദ്ദാക്കുകയും ചെയ്തിരുന്നു. യോഗ്യരായവരെ മാറ്റിനിർത്തി നേതാക്കൻമാരുടെ ഭാര്യമാരെ നിയമിക്കുന്നതിനെതിരെ വ്യാപക പ്രതിഷേധവുമുണ്ടായിരുന്നു.
