ഷിഫ മലയാളി സമാജം (ഫൗണ്ടേഴ്സ് )തണൽ ഭവന പദ്ധതിയുടെ 4-മത് വീടിന് തറക്കലിട്ടു 

ഷിഫ മലയാളി സമാജം (ഫൗണ്ടേഴ്സ് )പ്രസിഡൻറ് സനൽ കുമാറിൻറെ നേതൃത്വത്തിൽ തണൽ ഭവന പദ്ധതിയുടെ നാലാമത് വീടിന് കണ്ണൂർ കോർപ്പറേഷൻ മേയർ ശ്രീ മോഹനൻ കല്ലിടൽ കർമ്മം നിർവഹിച്ചു ,കണ്ണൂർ കൂടാളി സ്വദേശി രാഗേഷിനാണ് ഈ വീട് നിർമ്മിച്ച് നല്കുന്നത് ,25 വർഷത്തിലേറെയായി പ്രവാസ ജീവിതം നയിക്കുന്ന രാഗേഷിന് കുടുംബ പ്രാരാപ്തവും ഭാര്യയുടെ ഏറെ കാലമായുള്ള ചികിത്സയും കാരണം ഒരു വീട് വെക്കുവാൻ സാധിച്ചില്ല ,രാഗേഷിന്റെ ദുരവസ്ഥ ബോധ്യപ്പെട്ട ഷിഫ മലയാളി സമാജം (ഫൗണ്ടേഴ്സ് )വീടിന് അർഹനായി തിരഞ്ഞെടുക്കുകയായിരുന്നു , തണൽ ഭവന പദ്ധതി ചെയർമാൻ ബാബു കൊടുങ്ങല്ലൂരിന്റെ അദ്ധ്യക്ഷതയിൽ കൂടിയ ചടങ്ങിൽ കൂടാളി പഞ്ചായത്തു പ്രസിഡന്റ് ഷൈമ ഷിഫ മലയാളി സമാജം (ഫൗണ്ടേഴ്സ് പ്രവർത്തകരിൽ നിന്നും സ്വരൂപിച്ച 2 ലക്ഷം രൂപ നിർമ്മാണത്തിന്റെ ആദ്യ ഗഡു എന്ന നിലയിൽ പ്രസ്തുത ചടങ്ങിൽ കോൺട്രാക്ടർക്ക് കൈമാറി,ഷിഫ സനയായിൽ മലയാളികൾക്ക് ഒരു കൂട്ടായ്മയുടെ അനിവാര്യത തിരിച്ചറിഞ്ഞു അതിന് രൂപം കൊടുക്കാൻ മുന്നിൽ നിന്ന ആദ്യകാല ഭാരവാഹികളുമായ ഏറെ കാലമായി നാട്ടിൽ സ്ഥിര താമസമാക്കിയ വേണു, സുരേന്ദ്രൻ , മോഹനൻ കണ്ണൂർ ,റിജേഷ് ബാബു ,മനോജ് കണ്ണൂർ, എന്നിവർക്കൊപ്പം രാഷ്ട്രീയ സാമൂഹിക പ്രവർത്തകരായ കെ പി പ്രസാദൻ മാസ്റ്റർ , സിജിത് കുമാർ , ശിവപ്രസാദ് ,മനോഹരൻ മാസ്റ്റർ ,കെ സി ബൈജു , രാഘവൻ , രാജേഷ്, എന്നിവർ ആശംസകൾ പറഞ്ഞ ചടങ്ങിൽ ചന്ദ്രൻ കാരിയേത് സ്വാഗതവും മുൻ ജനറൽ സെക്രട്ടറി മനോജ് നന്ദിയും പറഞ്ഞു