കൊച്ചി: പൊലീസ് സ്റ്റേഷനില് ഗർഭിണിയായ യുവതിയെ മർദ്ദിക്കുന്നതിന്റെ സിസിടിവി ദൃശ്യം പുറത്ത്. എറണാകുളം നോർത്ത് പൊലീസ് സ്റ്റേഷനിലാണ് സംഭവം.നോർത്ത് എസ്എച്ച്ഒ ആയിരുന്ന പ്രതാപ ചന്ദ്രനാണ് സ്ത്രീയുടെ മുഖത്തടിച്ചത്. ഈ ദൃശ്യമാണ് പുറത്തു വന്നത്. സ്ത്രീയെ നെഞ്ചത്ത് പിടിച്ചു തള്ളുന്നതും ദൃശ്യങ്ങളിലുണ്ട്. 2024 ല് നോർത്ത് പൊലീസ് സ്റ്റേഷനിലായിരുന്നു ഞെട്ടിക്കുന്ന സംഭവം ഉണ്ടായത്.
പൊലീസ് കസ്റ്റഡിയില് എടുത്തയാളുടെ ഭാര്യയെയാണ് മർദ്ദിച്ചത്. ഗർഭിണിയായ യുവതിക്ക് സ്റ്റേഷനില് നിന്ന് മർദ്ദനം ഏല്ക്കുകയായിരുന്നു. മുഖത്തടിക്കുകയും പിടിച്ചു തള്ളുകയും ചെയ്തു. പിന്നീട് കോടതി ഉത്തരവിലൂടെയാണ് ദൃശ്യങ്ങള് പരാതിക്കാരിക്ക് ലഭിച്ചത്. ദൃശ്യങ്ങളില് മർദ്ദനം വ്യക്തമാണ്. അതേസമയം, ദൃശ്യങ്ങളുടെ അടിസ്ഥാനത്തില് ഇതുവരേയും നടപടിയെടുത്തിട്ടില്ല.
