മലപ്പുറം: യു.പി പോലീസ് അറസ്റ്റ് ചെയ്ത യു.എ.പി.എ ചുമത്തി ജയിലിൽ അടച്ച മലയാളി മാധ്യമപ്രവർത്തകൻ സിദ്ദീഖ് കാപ്പന്റെ ഉമ്മ ഖദീജ കുട്ടി മരണപ്പെട്ടു. 90 വയസായിരുന്നു. മുഹമ്മദ് കുട്ടി കാപ്പന്റെ ഭാര്യയാണ്. വാർധക്യ സഹജമായ അസുഖങ്ങളെ തുടർന്ന് വിശ്രമത്തിലായിരുന്നു. യു.പിയിലെ ഹാഥ്‌റസിൽ ദലിത് പെൺകുട്ടിയെ കൂട്ടബലാത്സംഗം ചെയ്ത് കൊലപ്പെടുത്തിയ സംഭവം റിപ്പോർട്ട് ചെയ്യാൻ പോകവെയാണ് കാപ്പനെ യു.പി പോലീസ് അറസ്റ്റ് ചെയ്തത്.
അസുഖം മൂർച്ഛിച്ചതിനെ ഉമ്മയെ കാണാൻ സിദ്ദീഖ് കാപ്പന് ഫെബ്രുവരി 15ന് സുപ്രീംകോടതി അഞ്ച് ദിവസം ജാമ്യം അനുവദിച്ചിരുന്നു. തുടർന്ന് 17ന് വീട്ടിലെത്തിയ കാപ്പൻ ഉമ്മയെ കണ്ട് അഞ്ച് ദിവസത്തിനു ശേഷമാണ് വീണ്ടും മടങ്ങിയത്.
