തൊഴില്‍ സംരംഭകരെ പ്രോത്സാഹിപ്പിക്കുന്നതിന്റെ ഭാഗമായി മികച്ച തൊഴിലുടമകള്‍ക്ക് മുഖ്യമന്ത്രിയുടെ പ്രത്യേക പുരസ്‌കാരം ഏര്‍പ്പെടുത്തി തൊഴില്‍വകുപ്പ്. സംസ്ഥാനത്ത് തൊഴില്‍ നിയമങ്ങള്‍ കൃത്യമായി പാലിച്ച് പ്രവര്‍ത്തിക്കുന്ന സ്ഥാപനങ്ങളില്‍ ഏറ്റവും മികച്ച സ്ഥാപനം കണ്ടെത്തി അംഗീകരിക്കുന്നതിനും പൊതുജനങ്ങളുടെ മുന്‍പില്‍ മികച്ച ഒരു മാതൃകയായി അവതരിപ്പിച്ച് ആദരിക്കുന്നതിനുമായി ഓരോ മേഖലയിലും ഏറ്റവും മികച്ച സ്ഥാപനത്തെ കണ്ടെത്തി, മുഖ്യമന്ത്രിയുടെ പ്രത്യേക പുരസ്‌കാരം,
ഇത്തവണ നല്‍കും. പ്രത്യേകം തയ്യാറാക്കിയ ശില്പവും പ്രശംസാ പത്രവും അടങ്ങുന്നതാണ് പുരസ്‌കാരം.
തൊഴില്‍ മേഖലകള്‍
ടെക്സ്റ്റൈല്‍ ഷോപ്പുകള്‍,ഹോട്ടലുകള്‍ (ഹോട്ടല്‍, റസ്റ്റോറന്റ് ),സ്റ്റാര്‍ ഹോട്ടലുകള്‍, റിസോര്‍ട്ടുകള്‍ ജ്വവല്ലറികള്‍,സെക്യൂരിറ്റി സ്ഥാപനങ്ങള്‍,ഹൗസ്ബോട്ടുകള്‍,ഐ.ടി.സ്ഥാപനങ്ങള്‍,നിര്‍മ്മാണ സ്ഥാപനങ്ങള്‍,ഫാക്ടറികള്‍
ഓട്ടോമൊബൈല്‍ ഷോറൂമുകള്‍,മെഡിക്കല്‍ ലാബുകള്‍ (മെഡിക്കല്‍ ലാബ് & എക്സറേ, സ്‌കാനിങ് സെന്ററുകള്‍)ക്ലബ്ബുകള്‍
മുഖ്യമന്ത്രിയുടെ പുരസ്‌കാരത്തിനു പുറമേ പോയിന്റു നിലയില്‍ മുന്നില്‍ വരുന്ന മികച്ച സ്ഥാപനങ്ങള്‍ക്ക് വ്രജ, സുവര്‍ണ്ണ എന്നിങ്ങനെ സര്‍ട്ടിഫിക്കറ്റുകള്‍ നല്‍കും.
