കൊച്ചി:താരസംഘടനയായ അമ്മ ജിഎസ്ടി ഇനത്തില്‍ അടയ്ക്കാനുളളത് 4 കോടി 36 ലക്ഷം രൂപയെന്ന് ജിഎസ്ടി ഇന്‍റലിജന്‍സ് വിഭാഗം അറിയിച്ചു .
പണം അടയ്ക്കണമെന്ന് കാട്ടി കഴിഞ്ഞ നവംബറില്‍ നോട്ടീസ് നല്‍കിയെങ്കിലും ഇതുവരെ പണം അടച്ചിട്ടില്ല.
ഈ സാഹചര്യത്തില്‍ കാരണം കാണിക്കല്‍ നോട്ടീസ് നല്‍കാനാണ് ജിഎസ്ടി വകുപ്പിന്‍റെ തീരുമാനം. 2017 മുതല്‍ നിലവില്‍ വന്ന ജിഎസ്ടി ഇക്കഴിഞ്ഞ സെപ്റ്റംബര്‍ വരെ ചലച്ചിത്ര താരങ്ങളുടെ സംഘടനയായ അമ്മ ജിഎസ്ടി രജിസ്ട്രേഷന്‍ എടുക്കുകയോ ചരക്ക് സേവന നകുതി അടയ്ക്കുകയോ ചെയ്തിരുന്നില്ല.
എന്നാല്‍ സംഘടനയുടെ പ്രവര്‍ത്തനം ചാരിറ്റബിള്‍ സൊസൈറ്റിയെന്ന നിലയിലാണെന്നായിരുന്നു അമ്മയുടെ വാദം.കൂടാതെ ഇക്കാലയളവില്‍ സ്റ്റേജ് ഷോകളിലൂടെയും ഡൊണേഷനുകളിലൂടെയും അമ്മയ്ക്ക് 15 കോടിയിലേറെ രൂപയുടെ വരുമാനം ഉണ്ടായതായി ജിഎസ്ടി ഇന്‍റലിജന്‍സ് വിഭാഗം കണ്ടെത്തി.
