പരപ്പനങ്ങാടി: തിരുവനന്തപുരം ആറ്റിങ്ങൽ വെച്ച് നടക്കുന്ന മാസ്റ്റേഴ്സ് അത്‌ലറ്റിക് മീറ്റിൽ പങ്കെടുക്കുന്ന മലപ്പുറം ജില്ലാ മാസ്റ്റേഴ്സ് കായികതാരങ്ങൾക്കുള്ള പരിശീലനം ജീവകാരുണ്യ പ്രവർത്തകൻ ഡോ. എം എ കബീർ നിർവഹിച്ചു.തുടർന്ന് തിരൂരിൽ വച്ച് നടന്ന ജില്ലാ മീറ്റിൽ വിജയിച്ച കായികതാരങ്ങൾക്കുള്ള സർട്ടിഫിക്കറ്റുകൾ സ്വർണ്ണാലയ എം ഡി റഫീഖ് വിതരണം ചെയ്തു. തുടർന്ന് മാർച്ച് പാസ്റ്റിന്റെ പരിശീലനവും അത്‌ലറ്റിക് പരിശീലനവും നടന്നു. നവംബർ 9 മുതൽ 14 വരെയാണ് പരിശീലനം. പരിശീലനത്തിൽ 30 വയസ്സ് മുതൽ 80 വയസ് വരെയുള്ള താരങ്ങൾ പങ്കെടുത്തു.പരപ്പനങ്ങാടി വാക്കേഴ്സ് ഗ്രൗണ്ടിൽ വച്ച് നടന്ന ചടങ്ങിൽ ജില്ലാ മാസ്റ്റേഴ്സ് സെക്രട്ടറി അബ്ദുൽസലാം മച്ചിങ്ങൽ സ്വാഗതം പറഞ്ഞു. പ്രസിഡണ്ട് കെ മുഹമ്മദ് മാസ്റ്റർ അധ്യക്ഷത വഹിച്ചു. വാക്കേസ് ക്ലബ്ബ് പ്രസിഡണ്ട് ഉണ്ണികൃഷ്ണൻ ആശംസകൾ അറിയിച്ചു. ക്ലബ്ബ് സെക്രട്ടറി കെ ടി. വിനോദ് നന്ദിയും പറഞ്ഞു.
Trending Now
