ഓൺലൈൻ ക്ലാസ്സെടുക്കുമ്പോൾ കുട്ടികൾക്ക് മുന്നിൽ അദ്ധ്യാപിക കുഴഞ്ഞു വീണ് മരിച്ചു

കാഞ്ഞങ്ങാട് : കള്ളാർ അടോട്ടുകയ ഗവ . വെൽഫെയർ എൽ പി സ്‌കൂളിലെ അദ്ധ്യാപിക കള്ളാർ ചുള്ളിയോടിയിലെ C മാധവി ( 47 ) ആണ് കുഴഞ്ഞു വീണ് മരിച്ചത് .ചുമയുണ്ട് കുട്ടികളെ ശ്വാസം മുട്ടുന്നുമുണ്ട് ബാക്കി അടുത്ത ക്ലാസിലെടുക്കാം”. ഇത്രയും പറഞ്ഞ് ഓൺലൈൻ ക്ലാസ് അവസാനിപ്പിച്ച് അധ്യാപിക കുഴഞ്ഞുവീണ് മരിക്കുകയായിരുന്നു.

കാഞ്ഞങ്ങാട്ടേ അധ്യാ​പി​ക​യു​ടെ ആ​ക​സ്​​മി​ക മരണത്തിന്റെ ഞെട്ടലിലാണ് അധ്യാപകരും കുട്ടികളും . മരണപെടുമ്പോൾ വീട്ടിൽ മറ്റാരും ഉണ്ടായിരുന്നില്ല. സഹോദരന്റെ മകൻ രതീഷിനോട് നേരത്തെ ദേഹാസ്വസ്ഥ്യം അനുഭവപ്പെടുന്നതിനെക്കുറിച്ച് പറഞ്ഞിരുന്നു.

ഇദ്ദേഹം എത്തിയപ്പോൾ കണ്ടത് മാധവി വീണുകിടക്കുന്നതാണ്. ഉടൻ പൂടങ്കല്ലിലെ താലൂക്ക് ആസ്പത്രിയിലെത്തിച്ചെങ്കിലും മരിച്ചിരുന്നു.

ബുധനാഴ്ച രാത്രി 7.30-നാണ് ഓൺലൈൻ ക്ലാസ് തുടങ്ങിയത്. മൂന്നാം ക്ലാസിലെ കുട്ടികൾക്കു കണക്ക് വിഷയത്തിലായിരുന്നു ക്ലാസ്. എ​ട്ടേ​കാ​ൽ വ​രെ വി​ദ്യാ​ർ​ഥി​ക​ൾ​ക്ക് ഓ​ൺ​ലൈ​നി​ൽ ക്ലാ​സെ​ടു​ത്തി​രു​ന്നു.

ഇ​തി​നി​ട​യി​ൽ ത​നി​ക്ക് തീ​രെ വ​യ്യെ​ന്ന് വി​ദ്യാ​ർ​ഥി​ക​ളോ​ട് പറഞ്ഞിരുന്നു. ” വീഡിയോ ഓൺ ആക്ക്യേ, എല്ലാരേം എനിക്കൊന്ന് കാണാനാ”. ടീച്ചർ ഇങ്ങനെ പറയുന്നത് പതിവില്ലെന്ന് പറഞ്ഞ് കുട്ടികളും രക്ഷിതാക്കളും വിതുമ്പി.

കുട്ടികൾ വീഡിയോ ഓണാക്കിയപ്പോൾ ഓരോ കുട്ടിയോടും സംസാരിച്ചു. ക്ലാസ് തുടങ്ങി ഏതാനും മിനിറ്റ് കഴിഞ്ഞപ്പോഴേക്കും ചുമ അനുഭവപ്പെട്ടു. എന്താ ടീച്ചറേ പറ്റിയതെന്ന് ചോദിച്ച കുട്ടികളോട്, ” ഓ…അതൊന്നും സാരമില്ല. തണുപ്പടിച്ചതാ ” എന്നു കൂടി പറഞ്ഞ് ഹോം വർക്കും നൽകിയ ശേഷമാണ് ക്ലാസ് അവസാനിപ്പിച്ചത്.

പ്രി​യ അ​ധ്യാ​പി​ക​യു​ടെ ആ​ക​സ്​​മി​ക മ​ര​ണം കു​ട്ടി​ക​ളെ സ​ങ്ക​ട​ത്തി​ലാ​ഴ്​​ത്തി. നേ​ര​ത്തെ കൊ​ട്ടോ​ടി സ്കൂ​ൾ അ​ധ്യാ​പി​ക​യാ​യി​രു​ന്നു.

ഭർത്താവ് പരേതനായ ടി. ബാബു.