തിരുവനന്തപുരം: ലോ അക്കാദമിയിലെ അദ്ധ്യാപകൻ കോളേജ് ഗ്രൗണ്ടിൽ തീ കൊളുത്തി മരിച്ചു. തിരുവനന്തപുരം സ്വദേശി സുനിൽ കുമാറാണ് ആത്മഹത്യ ചെയ്തത്. ഗുരുതരമായി പൊള്ളലേറ്റ സുനിൽ കുമാറിനെ ആശുപത്രിയിലേക്ക് എത്തിച്ചെങ്കിലും രക്ഷിക്കാനായില്ല.
ഉച്ചയ്‌ക്ക് രണ്ട് മണിയോടെയാണ് സംഭവം നടന്നത്. കയ്യിൽ സൂക്ഷിച്ചിരുന്ന പെട്രോൾ ശരീരത്തിലൊഴിച്ച് തീ കൊളുത്തുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.ക്ലാസിലുണ്ടായിരുന്ന വിദ്യാർത്ഥികളുമായി സംസാരിച്ച ശേഷമാണ് സുനിൽ കുമാർ ഗ്രൗണ്ടിലേക്ക് എത്തിയത്.
ഗ്രൗണ്ടിലിരിക്കുന്ന അദ്ധ്യാപകനെ കണ്ടിരുന്നുവെന്നും വിദ്യാർത്ഥികൾ പറയുന്നു. കൂടാതെ മരണത്തെ കുറിച്ച് പറയുന്ന ഫോട്ടോ കഴിഞ്ഞ ദിവസം ഇൻസ്റ്റഗ്രാമിൽ പോസ്റ്റ് ചെയ്തിരുന്നതായും വിദ്യാർത്ഥികൾ പോലീസിനോട് പറഞ്ഞു.
