തിരുവനന്തപുരം: ആപത്ഘട്ടത്തിൽ ഓക്സിജൻ നൽകി സഹായിച്ചതിന് കേരള ആരോഗ്യ വിഭാഗത്തിനും ആരോഗ്യ മന്ത്രിക്കും നന്ദി അറിയിച്ചു ഗോവ ആരോഗ്യ മന്ത്രി. 20,000ലിറ്ററോളം ലിക്വിഡ് ഓക്സിജൻ നൽകി സഹായിച്ചതിനാണ് നന്ദി അറിയിച്ചത്.
കോവിഡ് വ്യാപനം രണ്ടാം ഘട്ടത്തിലേക്ക് കടന്നിരിക്കെ ഓക്സിജൻ ലഭ്യമാക്കാൻ സഹായം ആവശ്യപ്പെട്ടതിനെ തുടർന്നാണ് കേരളം 20,000ലിറ്ററോളം ലിക്വിഡ് ഓക്സിജൻ ഗോവക്ക് നൽകിയത്. ഗോവ ആരോഗ്യ മന്ത്രി വിശ്വജിത് റാണെയാണ്, സംസ്ഥാന ആരോഗ്യ മന്ത്രി ശൈലജ ടീച്ചറെ ട്വിറ്ററിലൂടെ പ്രത്യേകം നന്ദി അറിയിച്ചത്.
