സൗദിഅറേബ്യ: ഹഫർ അൽ ബത്തിനിൽ പെട്രോൾ ടാങ്കർ പൊട്ടിത്തെറിച്ചു മരണപ്പെട്ട ഉത്തർപ്രദേശ് സ്വദേശിയുടെ മൃതദേഹം ഹഫർ അൽ ബത്തിനിൽ ഖബറടക്കി.ഹഫർ അൽ ബത്തീൻ സനയ്യയിൽ വെൽഡിങ്ങ് വർക്ഷോപ്പിൽ ജോലിചെയ്‌തു വന്നിരുന്ന ഉത്തർ പ്രദേശ് സ്വദേശിയായ ഗൈസ്സുദ്ധീൻ മുഹമ്മദ് കാസിമാണ് പെട്രോൾ ടാങ്കർ ലോറി വെൽഡിങ്ങ് ചെയ്യുന്നതിനിടയിൽ ടാങ്കർ പൊട്ടിത്തെറിച്ചു മരണപ്പെട്ടത്.
ഒരാഴ്ച നീണ്ടുനിന്ന നിയമ നടപടികൾ ഇന്ത്യൻ എംബസ്സിയുടെ സഹായത്തോടെ ഒ.ഐ.സി.സി പ്രസിഡന്റ് വിബിൻ മറ്റത്ത് പൂർത്തിയാക്കി സ്പോൺസറായ അൽ അനസി മഹദി ഷാമനയോടും ബന്ധുവായ ഗുലാം ഹൈദറിനോടുമൊപ്പം മൃതദേഹം ഏറ്റുവാങ്ങി ഹഫർ അൽ ബത്തിനിൽ ഖബറടക്കി.
