മൈസൂരുവില്‍ ഓക്സിജന്‍ ലഭിക്കാത്തതിനെ തുടര്‍ന്ന് മൂന്നു പേര്‍ മരിച്ചു.മൈസൂരു ജില്ലയിലെ ഹുന്‍സൂര്‍, പെരിയപട്ടണ താലൂക്കിലെ സര്‍ക്കാര്‍ ആശുപത്രികളിലാണ് സംഭവം. കോവിഡ് ബാധിച്ച്‌ ഏപ്രില്‍ 20ന് പെരിയപട്ടണ ഗവ. ആശുപത്രിയില്‍ ചികിത്സതേടിയ സ്ത്രീ കഴിഞ്ഞ ദിവസം ഓക്സിജന്‍ കിട്ടാത്തതിനെ തുടര്‍ന്ന് മരിച്ചു.
സ്ത്രിയുടെ അന്ത്യകര്‍മങ്ങള്‍ ചെയ്യുന്നതില്‍നിന്നുപോലും തടഞ്ഞുവെന്നും ബന്ധുക്കള്‍ ആരോപിച്ചു. സമാനമായരീതിയില്‍ കോവിഡ് ബാധിച്ച്‌ ഹുന്‍സൂര്‍ താലൂക്കിലെ ഹെബ്ബനഗുപ്പെ ഗ്രാമത്തില്‍നിന്നുള്ള രണ്ടു പേരും കോവിഡ് ബാധിച്ച്‌ ആശുപത്രിയില്‍ ചികിത്സയിലിരിക്കെ ഓക്സിജന്‍ ലഭിക്കാത്തതിനെ തുടര്‍ന്ന് മരിച്ചു.
