വിഴിഞ്ഞം: കോവളത്ത് എം.ഡി.എം.എയുമായി യുവതിയടക്കം മൂന്നു പേര്‍ പിടിയില്‍. പേട്ട ആനയറ സ്വദേശി ഗംഗ(20),ചിറയിന്‍കീഴ് സ്വദേശി അന്‍സര്‍(29),ബീമാപള്ളി യു.പി സ്കൂളിനു സമീപം ഹാഷിം(27) എന്നിവരെയാണ് കോവളം എസ്.എച്ച്‌.ഒ ബിജോയിയുടെ നേതൃത്വത്തിലുള്ള പൊലീസ് സംഘം ഇന്നലെ അറസ്റ്റ് ചെയ്തത്.
ഇവരില്‍ നിന്ന് വില്പനയ്ക്കായി സൂക്ഷിച്ച രണ്ടു ഗ്രാം എം.ഡി.എം.എ കണ്ടെടുത്തതായി പൊലീസ് പറഞ്ഞു. ഇവരുടെ ബൈക്കും പൊലീസ് കസ്റ്റഡിയിലെടുത്തു. പുതുവര്‍ഷ വില്പനയ്ക്കായി കോവളത്ത് മുറിയെടുത്തു താമസിക്കുകയായിരുന്നു പ്രതികളെന്നും പൊലീസ് പറഞ്ഞു.
