റിയാദ്: ഉംറ തീർഥാടകർ സഞ്ചരിച്ച ബസ് അപകടത്തിൽപ്പെട്ട് രണ്ട് മലയാളികൾക്ക് ദാരുണാന്ത്യം. സൗദിയിലെ ത്വാഇഫിനടുത്ത് മഹ്ലൂമിയയിലാണ് അപകടമുണ്ടായത്. റിയാദിലെ ഹോത്തയിൽ നിന്ന് മക്കയിലേക്ക് പുറപ്പെട്ട ബസ്സ് പെട്ടെന്ന് ടയർ പൊട്ടി മറിയുകയായിരുന്നു. മലപ്പുറം നിലമ്പൂർ സ്വദേശി ഇസ്മാഈൽ, കൊല്ലം പത്തനാപുരം സ്വദേശിനി ഷീബ എന്നിവരാണ് മരിച്ചത്. അപകടത്തിൽ ഇരുപതോളം മലയാളികൾക്ക് പരിക്കേറ്റിട്ടുണ്ട്. വിവിധ സംസ്ഥാനങ്ങളിൽ നിന്നുള്ള നിരവധി പേർ ബസിലുണ്ടായിരുന്നു.
സൗദിയിൽ ഉംറ തീർഥാടകർ സഞ്ചരിച്ച ബസ് ടയർ പൊട്ടി മറിഞ്ഞു; രണ്ട് മലയാളികൾക്ക് ദാരുണാന്ത്യം; ഇരുപതോളം മലയാളികൾക്ക് പരിക്ക്
