കോഴിക്കോട്: വിദ്യാര്‍ത്ഥിനിയുടെ പീഡന പരാതിയില്‍ അധ്യാപകന്‍ അറസ്റ്റില്‍. കാലിക്കറ്റ് സര്‍വകലാശാലയിലെ ഇംഗ്ലീഷ് വിഭാഗം അസി.പ്രൊഫസര്‍ ഹാരിസ് ആണ് അറസ്റ്റിലായത്.
നേരത്തേ ഇയാള്‍ക്കെതിരെ വിദ്യാര്‍ത്ഥിനി നല്‍കിയ പരാതിയില്‍ തേഞ്ഞിപ്പാലം പൊലീസ് ഹാരിസിനെ പ്രതിയാക്കി കേസെടുക്കുകയും സര്‍വ്വകലാശാല ഇയാളെ സസ്പെന്‍ഡ് ചെയ്യുകയും ചെയ്തിരുന്നു.
അധ്യാപകനെതിരെ വിദ്യാര്‍ത്ഥിനി ആദ്യം സര്‍വകലാശാല പരാതി പരിഹാര സെല്ലിലാണ് പരാതി കൊടുത്തിരുന്നത്. കമ്മറ്റി പ്രാഥമിക അന്വേഷണത്തിന് ശേഷം കേസ് പൊലീസിന് കൈമാറുകയായിരുന്നു. പരാതിക്കാരിയുടെ വിശദമായ മൊഴി പൊലീസ് നേരത്തെ രേഖപ്പെടുത്തിയിരുന്നു.
