യു.എ.ഇ.യില്‍ സര്‍ക്കാര്‍ ഓഫീസുകളില്‍ ഇനി മുതല്‍ പ്രവേശനം വാക്സിനെടുത്തവര്‍ക്ക് മാത്രം.യു.എ.ഇ. അംഗീകരിച്ച വാക്സിന്‍ രണ്ട് ഡോസും സ്വീകരിച്ചിരിക്കണം. അല്ലെങ്കില്‍ കോവിഡ് ആര്‍.ടി.പി.സി.ആര്‍. പരിശോധനയുടെ 48 മണിക്കൂറിനകമുള്ള നെഗറ്റീവ് ഫലം കൈവശം വെച്ചിരിക്കണം.
ഓഗസ്റ്റ് ഒന്നുമുതല്‍ നടപടി പ്രാബല്യത്തിലാകുവെന്ന് ഫെഡറല്‍ അതോറിറ്റി ഫോര്‍ ഗവണ്‍മെന്റ് ഹ്യൂമണ്‍ റിസോഴ്‌സസ് അറിയിച്ചു. വിവിധ വകുപ്പുകള്‍, ഫെഡറല്‍ ഡിപ്പാര്‍ട്ട്‌മെന്റുകള്‍, കസ്റ്റമര്‍ സര്‍വീസ് കേന്ദ്രങ്ങള്‍ തുടങ്ങിയ ഇടങ്ങളിലുള്ള പ്രവേശനങ്ങള്‍ക്ക് നിബന്ധന ബാധകമാണ്.
