കട്ടാങ്ങൽ : വെള്ളലശ്ശേരി ഇബ്രാഹിം മുസ്ലിയാർ റിലീഫ് കമ്മിറ്റി പെരുന്നാൾ ദിനത്തിൽ ചാത്തമംഗലം ഗ്രാമപഞ്ചായത്ത് 13 (വെള്ളലശ്ശേരി) 12 (പുതിയാടം) വാർഡുകളിലേക്ക് കോവിഡ്‌ രോഗികൾക്കുള്ള പൾസ് ഓക്സിമീറ്റർ നൽകി.
പുതിയാടം വാർഡിലേക്കുള്ള പൾസ് ഓക്സിമീറ്റർ വെള്ളലശ്ശേരി മഹല്ല് ഖത്തീബ് അബൂബക്കർ യമാനി വെളിമണ്ണ വാർഡ് മെമ്പർ ശിവദാസൻ ബംഗ്ളാവിനും വെള്ളലശ്ശേരി വാർഡിലേക്കുള്ളത് വിഷ്ണു പൊന്നമംഗലത്തിനും കൈമാറി.
മഹല്ല് പ്രസിഡന്റ് മൊയ്‌തീൻ ഹാജി.പി.പി, കണ്ണിയലത്ത് അബ്ദുല്ല ഹാജി, സലാം ഹാജി, എം.പി കരീം, നൗഫൽ, മൂസക്കുട്ടി കണ്ണിയലത്ത്, മുസ്തഫ ടി.പി, മൂസ പി.പി ഷറഫുദ്ദീൻ പി.പി തുടങ്ങിയവർ സംബന്ധിച്ചു.
